تعال أقرب من أحضاني ترى خدك مواعدني

حبيبي نام ياعمري على صدري وصارحني
وفض الصمت باحساسك وخل الحب لي يجري




وفضفض لي بعد عمري" وعاتبني" وفهمني
أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري



تعال أنثر هنا ليلك وخل حضنك" يولعني"
أنا أحبك وأبي قربك.. ترى مني قضى صبري



أنا نبضك زهر أرضك وأنت؟! ايه تملكني
بنحل خصرك ..جمر ثغرك وزود بلونك الخمري



تتوهني .. تغرقني.. ومن بردك تدثرني
وتبكي لي وتشكي لي وله قلبك ومن سحري



أبي دموعك مع أنفاسك بصدق الود تحرقني
وأبي عطرك مع سحرك وآهك بالحشا تسري



أبي همسك يبعثرني غلا ولمسك يلملمني
وأبي عيونك من عيوني تذوب من الولع كثري



وأبي عهدك مع وعدك وأبي كلك تسلمني
وأبي ما تخلف بوعدك لين أسكن انا قبري




أبي أيدك تسافر بي وزهر قدك يلحفني
وأهيم بعالمك عاشق جنوني أنت ياعمري



تشوف الجمر بعيوني؟! تشوف الشوق جنني؟!
أجل تدري مثل ما أدري بأنك حلمي الزهري



حبيبي قوم وصارحني عن احساسك وعلّمني
أنا أطري على بالك كثر ما أنته علي تطري؟!

روووووووووووووووعة
عاشت ايدك يامبدع
تحياتي الك وردة
تقبل مروري البسيط

الله الله رووووووووووووووعه
يسلموو ورده كلمات روووووووووعه
تحياتي

منورات بنوتات
تحياتي

سلمت الانامل ودمت ابداع وتالق
نورتنا بالهل القصيدة الحلوة
تحياتي

نور نوركم
منوره ورده