تعودنة اعلى البواري خوش عادة اليوم
واضنهة الشغلة صارت حيل عاديـة
كاشخ اني جاي وبالعجل طبيت
وشفتهة گبال عيني تدخل الكلية
حجيت وياهة اني وگلتلهة معجب بيج
احبج والله احبج صافية النية
اشو دلغم وجهة وعبست فد نوب
وگلت بگلبي جنهة إلاصت علية
روح بعيد گالت ماني بخلگ عشاگ
اذا انت التحبني اني شعلية
مو بوري ابو الانج ضربتني ابو الانجين
وضربتني اعلى راسي ضربة حربية
واظن اثر علية البوري كلش حيل
وشفت الناس تركص كلهة جوبية
وبعد الضرية احس الدنيا عوجة وياي
واظن صابتني يمكن هوية شرجية
فتت من العميد گتلة هاي مستر جون
والدكتور گتلة شلونج خالة سعدية
ورحت اعلى الكشك مدري شجاني اليوم
اعاين عالجبس حسبالي شامية
اكبر زوج والله الي يصارح اليوم
واغم كلش اغم اليصارح بنيـة
**
عمي ماكو ولا وحده وفيه
