أصــــد لعيونك الحلوات ....

أصد لعيونك الحلوات


أصد لعيونك الحلوات @@ أحسها بالگلب تنتـــل

سـحر هاروت بعيونك @@ مـدري عليّ شـيرتل

يبو ألوان الفرح والروح @@ عليك تصلي وتهلهــل

جمالك ماأله تشـبيه @@ بيــش اليوصفه يمـثل

أحســك بالنِفس تصعد @@ وأحسك بالنِفـــس تنزل

سـبحان الذي خلاك @@ حِسـِـن وعفــه متكمل

@@@@@@@@


أريدك مره بيــه تمر @@ يل تسـوه العمر كلـه

أريد تشـوف كثره جروح @@ حــبك بالچـبد خــله

ميزانك عِـوج وياي @@ يمتــه الوزنك أتعدله

سلكت دربك صعب أظلم @@ وطريقي ســـهل تندلـه

تعنه وأنگل اجـــدامك @@ أســـوي الدنيا عيد الله

وأخليك بوســـط گلبي @@ يأجمــل ورده بالحلـه

@@@@@@@


بعيونك أريد تلــــوح @@ أغاني العيد وهلالـــــه

رمــوش عيونك التجرح @@ دليــــلي ورايد چمالـه

يمضيف الحِسِـــن كله @@ بصــدرك شاخصه دلالـه

حـــطني بجنتك ناطور @@ شـــحده اليدنه بســلاله

حتى للســــهر يصبـح @@ ســـبب وأبقه علهل حاله

وانه المنذور گلبي ليك @@ وأرضــــه تصير چتالـه

@@@@@@@@


بحر أشـــواگك الثاير @@ موجه من بعيـــــــد يلوح

وأنه الطبيتـــه متطمن @@ لأن أنت ســـــــفينة نوح

شــيهمني الگلب عندك @@ لو مية جرح مجـــــروح

حبي بس ألك شــلال @@ الغيرك ابد ما مســــــموح

أحس بيك بشــــرايني @@ وأحسك ثابت ويا لــــروح

والله العيـــد يمي يصير @@ گبالـي من تجـــي وتروح

@@@@@@@

الله
عاشت ايدك رووووووووعة
ابدعت
تحياتي الك

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**

رووووووعه يسلموو ورده
تحياتي

**((&&--- شـكـراً جـزيـلاً عـلـى الـمـرور الـجـمـيـل ---&&))**
**((&&--- گل حبي واحترامي الى من يضف رد لي ---&&))**