انشالله تعجبكم
تعبت ازرع بها البستان
وغيري يقطف ازهاره
تعبت بها العمر عطشان
وغيري يشرب انهاره
تعبت اخفي من الاحزان
ودمعي يكشف اسراره
تعبت اعزف من الالحان
وعودي تبكي اوتاره
تعبت اطفي من النيران
وقلبي تشتعل ناره
تعبت ازاور الخلان
وقلبي ماحدن زاره
ثلاث اسنين انا حيران
بهذا الدهر واقداره
سبايب صاحبي الخوان
رحل واقفى عن ادياره
وانا به مغرم وولهان
اشوف الموت واختاره
عصتني نعمة النسيان
يروح الفكر الى داره
بالله ياطير ياهتان
تزور الزين بدياره
وقله صاحبك مرضان
وهذي آخر اخباره 0
