الوكت زامطته كتله ولك اواريك
واله بشره الخيبه والكواريك
عشرتي وياك مرضع والكواريك
ادفعك غاد وادري ترد اليه
*****************
مسرفن للليالي ومعفي انه
وصرت للخوه داري ومعفيانه
الوكت عيب امتحني ومعفي انه
ادرس كمت بالدرسو بيه
*******************
دحوك بثوب حسنك وانسجنه
بجهنم حبك ارضه وانسه جنه
انحبسنه بقفص عينك وانسجنه
وتحط رمشك كلبجات باديه
*****************
كلبي مالعب غيرة لعابه
واحسن شفه لمرضي لعابه
سبحان الذي صاغه لعابة
ونفخ بي روح حتى ايعم عليه
****************
ندم ما يوم دك بابك ومرك
وانه الشارب سكم ضيمك ومرك
عليه حيلي شلت حيلك وامرك
وكف حيلك رجل يسحك عليه
*****************
