لا مانسيتك
يامن هويتك لامانسيتك
فراكك اصعب من صعب... وانا عايش بالغرب
***
يلي مغرم بيك وانا ادري ابعد... انت ممفارك خيالي ويمته لحضانك ارد
يمته اردلك يلحبيب وتنتهي كلمة غريب
وامس ابمسيتك لا مانسيتك
لامانسيتك
فراكك اصعب من صعب وانا عايش بالغرب
*****
وانه ابكد ماحبك زاد بيه الاشتياق فززت صفناتي دمعه
وكتبت ابخدي عراق
جرحي ينزف ياهلي يمته اردن ياعلي
وابقه ابحميتك
لا مانسيتك
يامن هويتك لا مانسيتك
فراكك اصعب من صعب وانا عايش بالغرب
***
ومره اذكر بالغرب انا اطلعت
من كثر مابيك افكر تيهت
على شمس من باوعت شفت وجهك ورجعت
يالبيتي بيتك
لا مانسيتك
يامن هويتك لا مانسيتك
فراكك اصعب من صعب وانا عايش بالغرب
***
ياعراق وشريد اسولفلك غرام
روحي اليوم ادزه وي حمام
وهيه تشرحلك بعد .. اشلون اليفارك بلد
ابروحي اشتريتك لا مانسيتك
فراكك اصعب من صعب وانا عايش بالغرب
***
مره شايب ع الوطن مره انسئل
وانه يمه وشفت بس دمعه نزل
هذا شايب مستمع
فسر الغربه بدمع
غصباً جفيتك لامانسيتك
فراكك اصعب من صعب وانا عايش بالغرب
***
