واجيت اكتب الك واتمنه تفهمني

عصرت احزاني كلهه ودمعي رأسا فاض
واجيت اكتب الك واتمنه تفهمنـــــــــــي


جرحتك واشتكيتك وانته ماغلطــــــــان
بس اني الاناني وراحتــــــي تهمــني


ماجيت اقترب منك واعوض الفات
ولاجيت انه اريدك تقترب منــــــي


لكن جيت اكلك واعترف بالصار
ولو اخطائي كثرت لكن اعذرني


الك حقك تعيش بكيفك وتختار
ومالومك اذا فديوم تكرهني


شاعر واحلمت غفله وعشت باوهام
وجنت أتصورك يوميه تضلمني


خلص هاهيه واحلفلك بعد ماانام
اخاف ويه الحلم طيفك يجي يمرني


نعم سرك فضحته وماوفيت وياك
غدرتك وانته ابد مايوم غادرني


تدري انته الندم اكبر عذاب يكون
وانه انبض ندم كل لحضه صدكني


عذب لو ردت واجرحني حيل الحيل
بلكي ارتاح اذا بيدك تعذبــــــــــــني


احس مديون الك من جدمي حد الراس
وحاير شرد اوفي الدين غركــــــــــني


اذا منك بكت كل ضحكه فوك شفاك
شنطيك اني هسه شبيك حــــــــاسبني


ذبني بنار زعلك خل اموت هناك
واخذ روحي مني ومني اخذني


ولاتفتح بعد وياي هالموضوع
لان اعرف جرحتك لاتبلغني


خليني ارد اعذب روحي لاتحتار
وما استاهل اني كليبك يحبني

:a (78):حلوووووووووو
عاش قلمك الذهبي
تحياتي الك
تقبل مروري البسيط

منوره عيوني انتي
تحياتي الج ياورده

حلووووووو يسلمووو ورده
دووومك مبدع
تحياااتي

منوره ورده
شكراعلى المرور الحلوو
تحياتي الج