بوسة العيد
كتله شوفك احله عيد ... كلي متكلي شتريد
كتله احبك يا حبيبي ... كلي روح العب بعيد
كتله بوسه من الشفايف
كلي اخجل من كلامك
كتله مو بيدي غرامك
والله مفتون بجمالك
كلي لا تحجي وتزيد
كتله شوفك احله عيد ..كلي روح العب بعيد
كلي هسه شلون ورطه
شلون بيك انه ابتليت
وشجاني وبدربك مشيت
كتله بيك اني ارتويت
كلي كَلبي من حديد
كتله شوفك احله عيد ... كلي روح العب بعيد
كلي ما خفت الملامه
كتله اذوب اني بهواك
وابد ما اعشك سواك
كلي متكلي شجاك
كتله بوسه زغيره اريد
يلي شوفك احله عيد ... كلي روح العب بعيد
كلي هسه انطيك بوسه
كتله فدوه الله احد
كلي اصبر شويه هود
خل بس يطفه المولد
وانته بوس شما تريد
كتله شوفك احله عيد ,,, كلي روح العب بعيد
