مالكيت احد مثلك
مالكيت احد مثلك
مالكيت احد مثلك ولا راح الكه
انت كلك جمال وطيب وغيرك مالتقن عندة
انت فرحة طفل بهدية نام وخلاها بسدة
انت فرحة فقيد وعاد لاهلة وباحضانة ولدة
انت دمعة على خدود اليحبون ساعة الملكَة
انت كلمة انت نغمة انت بالدفاتر وردة
انت لهفة محب لشوفة حبيبة ويستمع ردة
انت كَمر يواسي المفارك بليلة ويقلل وحشتة
انت من تمر الناس توكَف لاجلك وتبطل حركَة
وتستمع الكلوب جن دك طبول فرحانة تستقبل وتتلكَة
هذا يتمنى كلمة منك وذاك يلطم اعلى خدة
وهذا يكَول ياريتني وسادة وجوة رجلة اصير مدة
واني واكَف من بعيد انتظر وب**** حركَة
مو حقي اخاف عليك واحرسك من كلمن تعدة ؟
ومو حقي ازعل وتكَلي محبوبي اهدة ؟
شهدة ياقطعة مني ولاجلك هلعالم اتحدة !!
ومستعد لاجلك بالروح اضحي طبعي اضحي للأودة
