سـ،ـر الليـ،ـل
يحبك كلشي بيه وكلشي احب بيك
ما اكَدر اعوفك مو بديه
تعدى الروح حبنا وطب للاجسام
واحس كَامت خليه تحب خليه
ما خاف على روحي واني بالجيش
اخافن لاتخاف انت عليه
تمر بيه الشضيه وامسح النار
واكَولن فات خدك مو شضيه
ما اكَدر ابد اتنكب سلاح
واحس مثل الخيانه بهالقضيه
لان بس انت نايم فوكَ الجتاف
وصعب تاخذ مكانك بندقيه
سر الليل كل ما احفظه انساه
وحتارت الوادم كلها بيه
لحد ما صار اسمك انت يهواي
سر الليل ثابت بالسريه
تريد اتعوفني ياسري وتروح
انا بلياك شيطفي اشتياقي
ارسمك عالورق ما اكَدر شلون
بياضك والورق ياهوه راقي
واحس اني غريب بديرة اجناب
واحس انت الوطن واني عراقي
واحسن يوم تسريحي من الاكَيك
وفراقك اشد من التحاقي
تحياتي....
