http://dl3.glitter-graphics.net/pub/...jv7fkeufml.gif
.. دقيقه بالتلفون..
سولف .. سولف يا حبيبي وخل اسمعك زين
صار الكٌلبي عمر ما سامع اخبارك ...
وحاجيني بصراحه أشصار وياك
وارتاح بكلامك أو طفي نارك ...
***
شحجي وشردكٌول بحالي بعدك ؟ ...
ما نزلت دمعتي لن ماكو خدك ...
وكٌلبي رغم الصار ما عاف ودك ...
ساكن وسط روحي وبكٌلبي وحدك ...
***
أعرف يا بعد عيني بحالج أشصار
و أدري بزماني الصوج ومو ذنبنه ...
بس احجيلي بعدي اشلونه يومج ؟؟
وشلون بهل ليالي الفركٌتنه ؟؟ ...
***
يا يوم التحجي بي بعدك ما عشت يوم ...
خلصت العمر من بعدك بصوم ...
والليل احس بيه شامت والنجوم تلوم ...
و اغراب القدر فوكٌ راسي يحوم ...
***
أرد احجيلج بسرعه و أسمعيني
وما اطيلن كلامي لان ارد اسمعج ...
و أعرف فرصتج هاي وبيها تتصلين
ويمكن بعد ما اكٌدر اكلمج ...
بعدهن أبالي ذنيج الايام
ورسمج بالكٌلب مو عل ورق رسمج ...
وروحي بفركٌتج ما ملت الطرواج
و لا بد يجي اليوم وبيدي المج ...
و لا يظل بالج عل جسد اشلونه مرتاح ؟
الجسد مرتاح لان روحه يمج ...
ويوميه باحلامي صدكٌيني الكٌاج
وحلمي تعرفينه لان حلمي حلمج ...
ومو دمي هذا اليسري بالشريان
دمي نخبط وياه من دمج ...
وصبري شما جارت ايامج عليج
لازم تفرج وبحضاني اظمج ...
و أدري بالخط انكٌطع وما لحكٌت اكٌول
(حبيبي الله وياج وربي يسلمج ).........
