شمد جفي على جرحي ملزم اني
ومامليت لكن مل زماني
اوافي لليوافي ملزم اني
وملزم بالرده لأهل الردية
تزيد دموعي عالانهر وترهه
وجبدتي انكطع بافركه وترهه
يريتك تنظر الناري وترهه
حركتني وحركت الثوب العليه
الدهر فوك الجفـــه عيونك وتاهن
علــي وشــردن افكــاري وتاهن
غاب النوم من عيني وتاهن
السهر والنوح والهم والاذيه
سهول الناس عندي وانت راسي
سفن غركَت بحري وانت راسي
انت صديقي واخوي وتاج راسي
واعز منك ترى ماكو عليه
اريد اكَطع طريق الشوق عناي
واسولف للوفي من الناس عناي
صديقي اليرد الضيم عناي
ويوم الضيق يصبح درع اليه
مريض وصعد مرضي على شفاي
وطب لندن فلا كادر على شفاي
يا محب من تحط شفتك على شفاي
اطيب وكل مرض مايبقه بيه
