لا يا وليف الـروح لا تنســـــى ودي ... مالي غرض بالناس بس انته عندي
خلي الحزن بالروح يسحگها للموت ... لن بعد مانلگاك مانسمع الصوت
صح عندك افليسات وامنشنش الحال .. بس عندك انت اهموم ما اضنه تنشال
كون الفرح ينعاد وترجع اليه .... صدكني ياابن الناس انته الهديه
حايط صرت من طين مبني بجرف ماي ... يوم اعله يوم ايطيح من تكطع وياي
انطيتة كلبي انذار اشحدة ينساك ... وبكل صباح الروح تتمنة ملكاك.
تنسى اليحبك ليش و تعيشة بهموم.... تدري ابسبب فركاكم ماشايف النوم
اسمع ونين الگلب شوف شكثر مهموم ..... فوگ السهر والضيم من شوفتك محروم
اجرحني انته وشوف عاين عليه .. ما يمشي دم بحشاي تمشي انت بيه
كل البشر دولار بس انت يورو ... اطلبني بالشدات تلكاني زورو
اكعد بتال الليل وادعي بصلاتي .. ياربي بعد فلان شلي بحياتي
خلي روحك بعز دوم ها بالك تذلها ... ولاتطلب الحاجات حتى من اهلها
من الجامعة للبيت و انت على بالي .. و وجهك يا هلمحبوب دومة يلالي
حاير شحط للعين وامنعها منكم .. صبح وعصر وغروب تسألني عنكم
احول حبيب الروح اثول مطفي .. لاكاني عين بعين باس الـ بصفي
ثق يرجف النقال بس يسمع الصوت .. صايرلي عزرائيل بس تحکم نموت
غير اني واكع بوس حسبالي خدة ... حظي الفكر فزيت طلعت مخدة
مسودن واجاني الليل واركض وره الناس .. شاره وسحــر وخويط والجنــي بـالراس
