من قرص الشمس ربك جسمها
وماادري البخت المن جسمها
اذا بالماي يتخدش جسمها ؟؟
شرايك من تطيح ابين اديه
*******
جمالك زاد عن يوشف وقبله
وحبك صارلي منبر وقبله
أمر أعلى الصخر يافلان وقبله
لاأن قلبك صخر ماحن عليه
********
سكاني الدهر من فركاك بس مر
وشهد ماشفت منك بس مر
رمش عيني أفرشه بساط بس مر
ترد الروح من تسأل عليه
*******
تولعنه بغرامك ونتهينه
وونين القلب لظن ونته هينه
لكظ بيدي اليضدك وانت هينه
واذا يفلت شرط تنكص اديه
******
لو تعرفني احبك وشتمنك
لان منطي للواشي وشتمنك
اريد اليوم احضنك وشتمنك
وشوفك هم تذب روحك عليه
