ويكـــــلي لا تزعل

يحركني حطب ويطشني بيده رماد
ويكلي بهمس ارجوك لاتـــــــــزعل

لاتزعل يكلي ويعمي عيني دموع
واسكت خاف اجرحه وكوه اتحمل

اكله افهمني ما اقصد اذيتك لا
وك شلون اجرحك ..؟ اني ما اقبل

يدفعني ويهد كلماته كلهه جروح
فوك جروح كلبي البيهن معلعل

اكفر لو كلتله (شبيك اخاف اعليك)
يكلي انت بحياتي هواي تتدخل

ويجويني بحزن بيديه هاي وهاي
وما يهتم ابد لو كلت راح ارحل

ادري شلون كلي وياك مـا ازعل ؟؟
تدريني احبك ليش تتبدل ؟؟

تدريني اشتعل من تحجي ويه الغير
احسك بييه انته بكلبي تتختل

يامشتل زعل .. تتمنه اموت ادريك
حـــــــــــــاظر مبتعد .. كل حب الك ماضل

ضعت من عندي اني بكل ضلام الليل
وبالضلمه اعتقد تدريني مــــــــا اندل

شمسنا
أمطرت هنا فاهتزت الارض
فانجبت
زنابق وورود
ورحيق
وعبير يمتد عطره
الى اعماق الوجود
فتكتبين
بصفحتكِ حناء
وتلكئين جرح يثغب
بحب حواءه
لايريد ان يندمل
ولا اريد


سلمتي وسلم القلم
الذي كاد يذوب
بين اناملك
سيدتي

عاشت الايادي

تـــــــــــسلم ايدج

لقد سبقتي كل الفصول يالكي من سريعه في الدخول الى صميم قلب كل عضو
ويالكي من ساحرة وتلوحين باصابعكي الرقيقه لكي تؤثر فينا كلماتكي الجميله الى ابعد طريق لكي نسير فيه

ضيم وقهر
كل الي اكدر اكولة
انتي ذواقة لمواضيعج
تحياتي