مشتاكلك
والشوك خانكني خنك من كثر مامشتاكلك ..
حتى الطيور أنكسر خاطرها وبجت
شافتني أون مشتاكلك ..
وانت ولا يمك ولك
حجاره كلبك مايحن لو أحنه ما نستاهلك...
أشوفك بليلي كمر والليل كله مجابلك ...
لابيه أعوفك واستجن ولا بيه
أصبر الروح من تعتازلك...
تجرحني .. تذبحني ذبح
وما أدري ليش أرتاحلك ..
كطعني سويني وصل بس كون أموت بساحلك..
عمت عين كلبي شكد جلد شكثر حن وناحلك..
ياكلبي جوز من العشك درب العشك ماطاحلك..
مشتاكلك...
جايمته تذكرني وتجي وتصارحني باللي بداخلك..
مشتاك لعيونك سحرهن بابلي
والله يبرد عين كلمن صادلك ...
مشتاك أشوفك بالقميص المخملي
وتمعن بشكلك وكلك لاكلك...
وتأملك يازين ورسملك صور
يا أحلى لوحه بمرسمي وماجاملك ..
مشتاك أغنيلك على أنغام الفرح
ومسكين ياكلبي الفرح ماداملك ..
مشتاك لجفوفك على متوني يدورن
والشفاف تغازلك ..
والله لونك مو بشر جنت أكلك ...
مشتاكلك...
الله لو تدري شكثر مشتاكلك
جا ما وحشت بوجه طارش راحلك..
وشكيت مكتوب الهوى
واحنه بدمعنه نراسلك..
معذور ما جاسك هضم
والراحلي ماراحلك ...
روح وخطيتي بركبتك
ماريد منيتك بعد ماهاملك..
أيست منك من شفت
رايك تبدل صار بيد عواذلك ...
تحياتي
