محاورة بالدارمي بين الحبيب والحبيبة

محاورة بالدارميات بين حبيبين

هي
كل ما يمر طاريك تحصرني عبرة
بعدك صبر ايوب واشلون اصبرة

هوة
بالصبر كلشي ايهون واتحمليني
كد ما افكر بيج ماتغفة عيني

هي
لتفكر اترجاك ماريدك اتحير
كلي اني عد عيناك واشتطلب ايصير

هوة
يال كلتي كلشي ايصير بس اطلب اني
رايد عشر بوسات مابية اتاني

هي
مو عشرة مية انطيك هم ما تكفة
ساعة ارد اكظي وياك شفة اعلة شفة

هوة
الساعة لحظة اتصير لو يمي انتي
بعيوني يوم ايفوت لحظة بصفنتي

هي
اتمنة اصير اغطاك وابروحي دافي
عينك ابعيني اتنام نوم العوافي

هوة
نوم العوافي ايصير كون انتي وياي
مرن علية اسنين بس احلم بهاي

هي
بحلامي اشوفك دوم وبعيني احسك
بالنبض انت اتعيش كل لحظة اجسك

هوة
مو بالنبض الكاج وي دمي تسرين
فدوة الج حتة الروح يالكلشي تسوين

هي
ها يالكلت تسوين شسوة ابلياك
يالتسوة كل الناس حتة انت تسواك

هوة
مايسوة هذة الكون كلشي ابلياج
دعوة حبيبج دوم عين اللة ترعاج

هي
وي كل صباح وليل للة اندعيلك
ولو تعب حيلك يوم برموشي اشيلك

هوة
مادامج انتي وياي مايتعب الحيل
يمج اودي الروح كل مايمر ليل

هي
كل مايجيني الليل احظن خيالك
ولو ردت ابدك يوم انت ابدالك

هوة
هم يمر ذاك اليوم واتبدل اني
وايدج يبعد الروح يلمهة ثاني

هي
مايلمس ايدي الغير بس انت مسموح
وبغيرك ارضة اشلون تتعلك الروح

الله اوووووووووووووي تخبل
غاشت ايدك
تحياتي الك

منوره ورده
شكرا على مرورج الحلوو
تحياتي الج

يسلمووووووووو
محاورة جميله
تحياتي

يدلووو ورده
منوره

مشكورررر ياورد
عاشت ايدك
دوم الابداع
تحيااتي

واااااااااااااااااااااو روعه والله
عاشت الايادي وردايه
تقبل مروري وتحياتي لك
شمس الحب

منوين عيوني
شكرا على مروركم الحلووو
تحياتي الكم