مثل دمعة غصن لو هاجر الطير
عليك الروح حزنت صارلي اسنين
اسد عين الشمس واتغطه باليل
وارد بحلمي اشوفك شابك العين
وقميصي اهواي حن لك يوم المشيت
لئن مطبوع حظنك فوكه واشتاك
لذلك بالهدم لظنهن اشكوك
ذني احلوك صرخن من الفراك
ومن كتلي اجيك اسنين تانيت
وعلى درب التجي شريت العيون
سهل موتي موصعب هيج
مثل موت الاحلام ابفتح الجفون
وفجأه اتفاجأة وياك مخدوع
وابرد من جفوفك حجيك اوياي
وانا الاقرب جنت من كلبك المات
قرب شفت الونين ابشفت الناي
مسيره اجروحي تمشي بشارع الاه
ابذاكرة الجروح انته اومتنساك
او موش الساني هذا اليحجي لالام
السان احساسي هذا اليحجي وياك
وما يحجيك سهله الساني ويصوم
اشيسكت السان بالي الحظه ما صام
اموت احلم صرت ماعيش وياك
مثل عمر الجرح يحلم بالاعدام
ومو معتاز امس مديت الجفوف
الك مديت جفي ايجدي لحساس
ادموعي اتكود عيني بساعة اطيح
على اخدودي ايتمشن بين هالناس
ولا تطلع شمس ما افتح ألباب
ابوجهك عفت باب اعيوني مسدود
طبع شجره البيه وثابت اوياك
وطبع افصول طبعك ترحل اتعود
