(( ماتستاهل ابجيلك حرامات))

منك كلشي يبدر حاسب احساب
الم سنين وجفوفك يحركون
وضحكتك شي طبيعي وجرحي ملجوم
يون الناني والوادم يصفكون

(( ماتستاهل ابجيلك حرامات ))
ماتستاهل ابجيلك حرامات
ولا تاخذ بعد من عيني دمعة
جنت ازرع ورد بس هسة مجبور
حتى الباقي منهن راح اشلعة
ايس مابقتلك يمي اسرار
وحتى اليدك باب الروح ادفعة
بقة عندي الشمع بس موتة الليل
وانة متاني الصبح يطلع واشيعة
عرفتك ثوب بس ماتستر العيب
والمايرهم علي مجبور انزعة
جنت اخجل وعبرلك حجي هواي
وعرف بيه جذب بس كلت اسمعة
وهسة تكطعت وياك الدروب
وبقة درب الخجل بلساني اكطعة
كرهتك بكثر ماودعت الشموع
شمعة بعيني تحلة وتطفة شمعة
جنت بكبر الجرح شايل معانات
وصدك من جان الكلب من ينعة ينعة
جن داخل حسن لو طلعت الاه ه ه ه
وتطلع روحي الك وتردهة فزعة
حسبتك رقم من لمعة البيك
وين ادري الصفر هم ينطي لمعة
وين ادري الغصن بيه يركض الموت
وعلة عش المحنة يودي الفعة
باجر راح اهدم بيت الدموع
وابني من الفرح بعيوني قلعة
وباجر راح اجفن كل الجروح
ونعش الذكريات براسي اشيعة
وتذبل شفتك وترد الي زحوف
وانة بجفي النهر وبكيفي اكطعة
واكلك كلشي ماكو الاهفة والشوك
محال اليندفن تكدر ترجعة
وسودة تصير كلهة ايامك البيض
ويندل خاطرة ويعض اصبعة
مثل ماجرعتني بكاسك الموت
كاس الذل شرط باجر تجرعة

مشكووورة خيتو .

بس الموضوع مكرر.