دارميات ادخل وشوف خلي راسك يشيب

طبعــآ جايتبلكم دارميات يخبلن
ارجو ان تنال اعجابكم

*************************
أنة ألشديت جرحك ليش حليت
عليـة وحلـة ألطـلاب حليت
ذكرتك بأمتحاني وغلط حليت
شجاوب وأنت شاغل حتى أدية

*************************

عكب عينك ابد ماعين تحله
عزيز وبالكلب كل يوم تحله
اذا وياك حتى الحزن يحله
خلى شما يصير يصير بيه

*************************
اكت دمعي تريده هسه اكت لك
وتريد اللساني يسكت هالسكت لك
اذا متكول احبك هسه اكتلك
واكوم النوب واكتلني بدية

*************************
ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه

*************************
الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه
********************************
نسيت انه المصايب مانسني
وليالي الفرح ابدا ما نسني
تكلي سني انته؟ مانسني
عراقي وافتخر باجمل هويه
*************************

دارميات رائعة جدا
عاشت الايادي عيوني
تقبلي مروري البسيط

الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه

شكرآ يا ورده رووووعه
تحياتي الج

الله الله
عاشت الايادي
تسلمين ورده
تحياتي الج

روعــــــه
عاشت الايادي وردهـ
تحياتوو

يدللو عيوني منورين وربي
تحياتي الكم

عاشت ايدج وردة
كلش حلوة
تحياتي

يدللو وردة ذوقج الحلو تحياتي الج