اذا ترتاح اترك مرضاك اهواي
وخليني بهمومي وانته ضل سالم
المهم انته معافه وما يمسك سوء
وخليني اعله شوگك دوم اظل حالم
~~~~~~~~~~~~~~~~~~~~~~~
خليني ابألم گلبي وعسا لا طاب
كل مره وتـگلي ابعيد .... نتوالم
~~~~~~~~~~~~~~~~~~~~~
چا هذا هواك وهذا حد الشوگ
وهاي امودتك وتـگول مو ظالم
~~~~~~~~~~~~~~~~~~~~~~
تدلل علي يالزعلك ابلا صوچ
زعلاتك هوايه وطبعك الحده
~~~~~~~~~~~~~~~~~~
اعل كيفك دبطلها العناده البيك
ترجيت الجرح من ينزف اتشده
~~~~~~~~~~~~~~~~~~~~
تتركني وتنام اعيونك انته اشلون
وتخلي اليودك صافن ابوحده
~~~~~~~~~~~~~~~~
ماحسبت يوم اتـگول هذا هواي
وماگلك ظميرك غيرك اشعنده
~~~~~~~~~~~~~~~~~~~~~
يتنفس هواك ومايمل اهواك
باب اهواك عنه اشمالك اتسده
~~~~~~~~~~~~~~~~~~
اكو نمام دارك گلي لو مليت
لو طبعك عناده اشمالك اتهده
~~~~~~~~~~~~~~~~~~
انا البهواك عايش جنة الفردوس
وتدري اهواك بيه اشجاب وشوده
~~~~~~~~~~~~~~~~~~~~~
انا الوياك ناصح وانتظر ملـگاك
واريد اوياك موعد لازم اتحده
~~~~~~~~~~~~~~~~~~~~~~
بعد يومين عشره المهم گـعده اوياك
وي غيرك ابد ماريدها....الـگـعده
