مو طبعك
موطبعك تخليني
بلياك
ولا طبعك تكون
وياي قاسي
اطباعك ورد وأيامي
الأغصان
ووراقك تعانقهن
أنفاسي
تروح أيام مني
بنص متاهات
وتجيني أيام تحجيلي
ابمئاسي
شنو ذنبي حبيبي
والمن اشكيك
وآنا كل المصايب
فوك راسي
اذابيه تظن بالبيك
مرتاح
روح أسال عليه
وحجي ناسي
تلاكي البيك بيه
يصير والله
واكثر محترك لا
تظن ناسي
بديت من الصفر
يا روحي وياك
ولا جذب ولا خانك
إحساسي
جنت تغلط واعلم
بيك مجبور
من شفتي أشربك
بعد كاسي
ولا خليت واحد
يحجي وياك
صبيتك ذهب معدن
أساسي
إذا آنت حجيت
وصفكت ناس
تره آني تصفكلي
الكراسي
لان يعرف خشبهه
شكثر عانيت
البيلك وناغيلك
وواسي
رغم هذا التعب
وياك فرحان
واحس مرتاح من
يحظر نعاسي
واطير ابشوك رغم
اجناحي مكسور
واغرد بيك بأوقات
ألا ماسي
أوقات الشعر ما بين
الأحباب
تحظنهن حظن
خمس الحواسي
ياصوره وحظنتك
بين العيون
وبين الناس
أعلن اقتباسي
عليك وما افرط
بيك وتروح
لان متفصل ابعمري
ومقاسي
