مافــاد بيــيه النــدم ..شعر صهيـب السامر

مافاد بييه الندم ومن جرحي مــتعلمت
ولا ارضه اخذ درس من كل حياتي المضت
وشكد قريت العشك .. بس بدروسه ارسبت
مو بييه جان الخلـل
ولا مني جان السبب بس كلبي مايحتمل
لايزهك ولا يمل
كل يوم اكولن صفت
وارجع واعيد الحلم بس طرشه اذن الامل
ماتسمع شما صحت ..
وك انته من ارحلت ..ماتدري بييه شحصل
والدمع لمن نزل ..
من عنده كلش خفت
لن طفه بييه الشمس والدنيه احسهه انعمت ..
مالحكت ..
مالحكت احضنك وبخصرك انسه جفوف
وبعيني مالحكت من عندك اشبع شوف
ضليت بس بالحلم فوك المنام اتطوف
اتوسلك وارتجي ..ضل يمي لاتبتعد ..شو كلش استعجلت ؟
شبسرعه اخذت الفرح من عيني كله ورحت
والنوب اخذت الكمر
ولميت كل النجم
بس عفت يمي السهر
يتشمت ويبتسم
والساعه بييه تمر بس تمشي عكس الوكت
واليوم من ينتهي ... (بتوقيتي يبدي الامس)
والذكرى نسمة حزن بكليبي تهمس همس
واتذكرك من جنت ..
باحضاني تكعد ورد واسكيك دم الكلب..
وك دمي كلش عذب ..(بس كلي ليش اذبلت)
مو جنه خيط وشمع وتذوب من اشتعل
شو هسه وحدي اشتعل واتنطرك ماذبت
هواي بيك احلمت
والصفنه صارت جفن ولجفني ماضل اثر
برموشي طيفك عثر ..
(وبعثرته اتعمدت)
ماردته يخطف خطف مثلك خطفت ورحت
وبكلبي ساد الضعف
وبشعري مات الحرف
وياك احس بالوطن ..(بعدك صرت مغترب)
شو جني كلشي اخسرت
بضلوعي نارك تشب ...صدكني مستحملت
وكبالي اني المتت وكبالي اني الـ مـ تـ ت
شعر صهيب السامر

الف شكر على الابداع المميز

عاشت الانامل التي حطت هاذه الكلمات الجميله

تحياتي وتقديري لكِ

وربي لا يحرمنه من وجودكِ

يسلمووووووو
تحياتي