غلط سميتك حبيبي(خاص بالمسابقه)

غلطة سميتك حبيبي.....

وضيعت بيك العمر

ما عرفتك شخص ثاني .....

خاتل بثوب الغدر

لان حسبتك مثل روحي.....
تضحي تصبر تنتظر

غلطة سميتك حبيبي....
وغلطة شبهتك گمر

وگتلك ادلل عليه.....
گول تؤمرني امر

وغلطة سميتك حبيبي....
وسفه اكتبلك شعر

الشعر عندي احله منك.....
رقه احساس وسحر

الشعر يحضن ورقته....
وأبد ماخان السطر


***************************
انتي تدرين انتي شنو؟؟
صبري سمعيه للخبر

انتي ريحة دفلة مرة....
تخجل گبال العطر
انتي زوري وفات وكته.....

مجسب وطعمج زفر

انتي عگرب انتي حيه..
...
بنابج السم منتشر

انتي صبار الصحاري....
يابسه ووردج ابرِ

انتي تمساح ودموعه.
....
كاذبه وتحمل غدر

انتي عينج عين ثعلب.....

خصصت بس للمكر

انتي چلحه انتي ملحه.....


وجهج مخلبص قذر
انتي خدج ماهو كيمر....

خدج اصخام الجدر

انتي ايدج ربد قزمه....
حافي يابس منفطر

انتي مستنقع طحالب.....
آسنه وميج عكر

انتي ساكج ساك لبوة
.....
تكتل بزود الظفر
انتي طولج بطل ببسي.
....
ما وصل ربع المتر
انتي بآلآخر صفيتي....

خامه معروفة السعر
هوايه والله هوايه كتبوا....

سجلوا سعرج صفر

عاشت ايدك ورد
وشكرا على مجهودك الحلوو
تحياتي الك حب

منور حمكي
بمرورك الحلو

ذوووق عيوووني مشكووور
وانشاء الله دوم الابداع.

انتِ الذوق كوله
منوره ورده

عاشت الايادي وردهـ
جميل جدا
واحلى شي


انتي چلحه انتي ملحه.....


وجهج مخلبص قذر
انتي خدج ماهو كيمر....

خدج اصخام الجدر

عاشت ايدك وردة
تحيايت الك