وليش شما تسوّي وياي أقبلّك
لحظة موت عمري اسنيني كلهن خوف
بس اوياك أأمّن لمّن أوصلّك
و انته آخر نفس واشگد عزيز أتصير
و بلحظة الموت تريدنه انملّك ... ؟؟
خيط عله الجرح باللحم صرت اوياي
لو كلّ الجروح اتطيب ما افلّك
تعرف كلشي بيّه و ما اعرف اشبيك
لغز حلّك ، لغز ، من يگدر ايحلّك ... ؟
أشرد حته اجيك و مدري ليش الخوف
خاف تخاف مني بسدّك اختّلّك
مثل ظلّك أظل و الليل يگضي الليل
و من تطلع شمس من طولك أنزلّك
أهيم بلـيــل شَــعــــرك من تفلّه
واصلّي لحسن وجـــهـــك منتفـلّـه
تعاتـبـنـي من اشـــمّـــك منتَ فلّه
ومعذور اليشم بالمزهرية
