أوديلك سلام او فوكه احط ادموع

أوديلك سلام او فوكه احط ادموع
ابظرف من اشتياق الروح اوديهه
وانه محتار شكتب لو ردت اختار..؟
ياكلمة بخيالي واكدر احجيهه



مثل حيرة طفل مابي يضم اسرار
من ضحكة عيونه انكشفت اشبيهه
وانه ابطيف ليلج ساهر وبردان
اضمج وي حنيني او روحي ادفيهه
اقنع روحي كوه انعيش بالاحلام..؟
زحمة اعله المشاعر لمن اخفيهه


وشقنعه وشكلهه او روحي من الشوك
بركان المشاعر مايرضيهه!!
واذا اكتب أحساسي بقلم نار الشوك
يحركهه القصيدة ابكل قوافيهه!!
واني وي القلم عركه اعله طول الليل
والورقة انطوت بس الحزن بيهه




وأحساسي بقه على الورقة والدمعات
ومن صار الصبح خايف اوديهه
واخيرا قررت ارسلهه بالنقال
صح بس ورقة بيضة المهم تقريهه

للشاعر

حيدر الربيعي

عاشت ايدج وردة
عالكلام الرائع
تحياتي الج

يدللو انتي الروعة وردة
تحيايت الج

مشكووورة خيتووو.

عاشت الايادي
تسلمين ورد
دوم الابداع
تحياتي الج

يدللو منورين
تحيايت الكم

عاشت الايادي
تحياتي

يدللو منورة وردة