والله احبك
حاولت اكتب قصيده واذكر الموضوع
ولان اطيوف اسمك مرن بالي
خطيت بخجل جم كلمه وي الروح
ولان حروف اسمك عذبن حالي
اسألك شنهو ذنبي ومانام الليل
وياذنب الجنيته وانته عايفني
وليش دموعي طبعن فوك الخدود
وليش اني الوحيد الماطبك جفني
جيف اني احبك انته هيج اتصير
تخليني بألم وبحيره تاركني
انا اسمك نحته بوسط الضلوع
كتبته با احتراف وحيل وي فني
اسمك بي دوا وحسيته بلسم روح
من صغري الزمان وياك جاورني
انا فتحت عيني يا حبيبي عليك
وانا ردتك ضخر للدنيا تسندني
وانا ردتك هويتي وموطني ودنياي
وانا ردتك فرح با احزاني اتمرني
انا ردتك عيوني البيه روحي اتشوف
وانا رتدك ملاك اتصير مو جني
وانا ردتك ضلع واتوجه اني عليه
وانا ردتك دمع وطفي ي وني
يا كل امنياتي الروح راح اتروح
وبس هذا الطلب الرادته مني
كلتلي بمقامك تلتقي لحضات
وبعده اتروح ما ترجع تفاركني
انه هسه بحضرتك كاعد اتنخاك
احجيلي الصدك ارجوك صارحني
وك والله اني احبك ليش هيج وياي
ليش بلا سبب شو تبتعد عني
عسل طعمه احسه لساني مر ضوك
يامنحا حياتي ارجوك فهمني
