السلام عليكم ورحمة الله وبركاته
وعليكمـ السلامـ ..
شلونكم شباب وبنات اخباركم
بخير اذا انت بخير ..
اليوم اجيت احجي وياكم ابموضوع ... الموضوع مهم حيل وطبعا حيرني لانه فكرت بيه هوايه
اللي محيرني الصراحة هوه تصرف أغلب الناس... والانحياز اللي يصير بهيج مواضيع
صفنتوا هسه اكيد ؟؟ كلتوا هذا شبيه عله شنو ديحجي !! هوه غير لو يطب بالموضوع دنفتهم
اني هم ما ادوخكم اكثر
......
المحيرني هوه ليش الناس تنحاز ؟؟ وليش الاصدقاء يطلبون من اعز ناس الهم ان ينحازون ؟؟ وهذا الشي غلط !!
زين ليش دائما الناس يبذلون جهد كلش جبير حته يوكفون ويه اصدقائهم !!! والنتيجه اللي يحصلوها انو تكبر المشكله والطرفين يكبرون راس
* عابد اكو قول قالوه القائلون وهو .. : ( *سوي خير وذب بالشط ..)
وتاليها تنتهي بزعل بين الطرفين !!!
زين واني مثلا اذا انحازيت الى واحد من الطرفين بغض النظر اذا كان الطرف الاخر صديقي لو لا شرح استفاد؟؟
معقولة صديقي اللي اني واكف وياه ينتظر مني اثبتله وفائي بهاي الوكفة !!!؟؟ معقوله هيج صداقتنا ضعيفة بحيث اذا كتله
"لا وكفتي وياك غلط"
48:
رح تخرب؟؟
بالعكس .. فد شي كلش مفيد انه تعرف المقابيلك من خلال هيجي شغله ..
48:
زين اذا اني اخذت الجهد اللي بذلته والحجي اللي حجيته والتعب اللي تعبته و وضفته بتصليح اللي خرب بين الطرفين مو احسنلي؟؟
ليش اغلب الناس ميسوون هيج ؟؟
ليش اغلب الاصدقاء ميتفهمون موقفي ؟؟
ليش دائما يحشدون كل اللي يعرفوهم عبالك طابين معركه ؟؟
المغرور و الشايف نفسه دائماً هيجي ..
وهمينه بيهة فائده انه تعرف الشخص الي كًدامك ..
:1
اريد افهم هذي الطبيعه بالانسان .... لانه محيرتني كلش !! اريد اعرف معقوله اني الوحيد اللي يفكر هيج ؟؟
معقوله بس اني اللي احب اوكف عالحياد؟؟؟
معقولة بس اني اريد اصلح اللي خرب؟؟
معقوله حته الطرفين نفسهم ميردون يتصالحون ؟؟
معقولة الزعل والحقد والكراهية احلى من الحب والصلح والصداقة ؟؟
منين اجتي هاي الاعتقادات !! وليش الانسان دائما يعند بهيج مواقف؟؟
ليش دائما نمدح بنفسنا ونكول " اني عقلي جبير" ونكول " اصلا كل الناس تكول اني اكبر من عمري "
ومن نجي لهيج مواقف نصير نتسابق ويه الطرف الثاني منو يصير عقله اصغر من اللاخ !!!
مجبور تتقبل هسه ... لحد ميكبر عقلهمــ ..
وبعدين !!
النتيجه شنو ؟؟ .......
ليش هالعناد؟؟شبيدنه ..؟؟
ليش هالطبيعه بكل البشر؟؟ ماكو واحد قلبه طيب..نادراً ما .. بس اكو يتظاهرون بالقلب الطيب ..
ليش اللي عقلهم جبير بهالدنيه قليلين !!؟؟ المصلحه كاتله العقول كتل ..
زين ليش منكدر بهيج مواقف نتنازل !!؟؟اذا افتهمت الشخص المقابيلك من تصرفاته شعندكـ تتنازله مثلاً ..؟؟ خليه تيت ..
ليش منكدر نسامح؟؟ ليش نظل نعاند؟؟ الي قلبه طيب ملحيعيش بهل دنيا .. ليحاكلوه اكل ..
وسؤالي الاخير....
ليش ماكو واحد بيكم يكدر يجاوبني عله اسئلتي ؟؟؟.....I'm in ..
*******
تقبل مروري .... &.&.& ..
