عفتني بلا سبب وبلا حكم قانون
واني موقع عهد وياك ما اعوفك
اذا خنت العهد ونسيتني بلحظات
اني اللحظات كله اتغني بحروفك
مستغرب احبك لو جديد اشتاگ
تمنعني وعلية انجرت اسيوفك
تنكرني ولك ميهمني اي نكران
نهر اني بمحبتك تنكر اجروفك
اذا بعت الشفايف حتى ما حاچيك
صدگ من احلفك تنطق اچفوفك
مو لعبه بحياتك اني يا بذات
حتى اتبيعني وتمنعني ما اشوفك
اقبل لو تصير ابروحي هم ونوح
واشيل الحمل منك واصير اچتوفك
اذا تبچي ردت انطيك عيني افداك
لو عيني انعمت كملت معروفك
تتحول جرح بيه احمل اجروح
اذا ينزفني جرحك كلي ما عوفك
مو ضعف وداعتك مبدأ واخلاص
واحس ابروحي نشالت وسكنت بروحك
وادية الضاعت ولاكيتهن من جيت
على شعرك شفتهن حاضنه ازلوفك
تذكرت الشفايف هسه من ايديك
شفتهن علرسايل رسم بظروفك
ما اقبل اعوفك گلي ليش انساك
مو حتى من انام اتلاگه بطيوفك
خايف مني واني الصرت لاجلك بيت
بعد ما عمري سافر بينت خوفك
بس كلمة اگلك وحده حتى اتروح
وراح اچذب عليه وقدر اظروفك
تره انت اخدعتني وچذبت علشوگ
بس دولاب دنية وباچر اتلوفك
من تطلع شمس راح اني اشوفك زين
اذا منخل تصير اتبين ازروفك.
