شــــــ ـــرد أكـــلـــ ــــ ـــكـ؟؟؟

شرد أكل للشعر لو يسئلني عنك

وشرد أكل للبيت البكل قصيدة

وشرد اجاوب مهجتي ودمعة عيوني

وشرد أكل للليل واحلامي السعيدة

وشرد أرد ع اليسئل.. اشوكت نفرح؟

والفرح ماضي هيهات ما نعيدة

شرد أقنع روحي الملهوفة تسعر

تمشي بدروب الهوى بخطوة عنيدة

وشرد أكلك ياعذولي الماشفتني

ابجي من يوم الولف حط ايدي بيدة

هم اكلك افتركنه وانتهينه بكل بساطة

هم اكلك عافني وحدي حزين والشوك بيدة

هم اكلك مايحبني وما يودني

وهسه عايش بالهوى قصة جديدة

شرد اكلك ياعذولي المارحمني

والجرح الكلت اندمل هم راح اعيدة

والحزن الكلت انتهى بنوحي أزيدة

والالم والاه واهموم الليالي

كلهه عندي توسدت كلبي وبريدة

شرد أكلك ياصديق المادره بهمي

شرد أكلك بعد لمتنه بعيدة

بعد لمتنه بعيدة.

الله عاشت ايدج وردة ابداع
تحياتي الج

عاشت ايدك ورد
دوم الابداع
تقبلي مروري
تحياتي الج

هذا من ذوقكم حبايب
مشكووورين عالمرور .

يسلمووووووووو
تحياتي

يدللووو خيتووو.

عاشت الايادي كلمات روووعه
تحيااااااااااااااتي

ايدج العايشه خيتووو.