طفح كيل المحبة وغرك الروح
وانا السابوح كلي غركت بيه
عبر حبك كل حدود وكل مقاييس
ويجن جنون حبك من الاكيه
مرات احس حبك سجن واني مسجون
ومرات احس حبك طفل واني اربيه
صار حبك يجيني بكل الاحلام
مو قصدي من انام اقصد من اغص بيه
عايش مو الية وامشي فرحان
درحمني اعلى كيفك مو سلبتني
خذت كلشي مني ولهسة بعد تريد
شتريد اعلى بختك مو موتتني
صار الك كلشي قابل وممنون
بس شغلة هالأسم هاي محيرتني
شلون تريد اسمي فهمني هاي شلون
مو انتة بفكارك صدك حيرتني
بس فهمني شغلة وابقى الك ممنون
شتناديني لو مرة امي صاحتني
تصيحني بسمك لو شنو شلون
فهمني اعلى بختك مو خبلتني
