ما محـــتـــــاااااج تعـــــــــــــــذبــنــــــــــــي
جنت مكتفية بجروحي
وجنت مقتنعة بأهاتي
كلت عمري وكع مني
بعد ماتسوة ونّاتي
توسدت الصبر مجبور
عن لاتحجي شماتي
وعشت وية الخلك مسكين
تصب دمعاتي سكاتي
شفتك حلم رد اردود
يتوسد ليلي بالأمال
يمطر فرح يمطر خير
غيّر مني الأحوال
علمني اداوي اجروح
وانطاني دوه لكل حال
وبعد بطل عذابي ينوح
وبعد مارد دمع همّال
وتعاهدنه نظل للدوم
أحباب للأبد نبقى
مانتفارك ونختاض
حبنه من الزعل ارقى
يمر الليل عدنه افراح
عشك اكلوبنه اتطلقة
حجي العشاك ماينكال
بس اعيونه تنطقه
ومضت ايام واحنه انشوف
حبنه مدوخ العالم
مغرم كل عضو بينه
وكلشي بينه رد حالم
محد يدري حبنه اشلون
وية الدنية متفاهم
احبة يحبني حيل اهواي
وحده الله العالم
فجأة اتغيرت الأحوال
حبيبي صار شو ضدي
كتله انته اغله الناس
وهم اغلى البشر عندي
كلي انتهت وياج
وهذا وياج بس حدي
ورجعت والجدم تعبان
اهيم وي الالم وحدي
اباوع كلشي ماباقي
ولا شي باقي ابيدي
ساعة تهيج عندي اجروح
ساعة اكول يروحي اهدي
حسافة اطلعت بذات
وهم شفتك حلم وردي
ورجعت وحيرتي بعيني
ضاع احبيبي مني
ماعندي بخت والله
والفرحة ارحلت عني
حسبالي يحبني وجيت
لدنية الشوك متهني
لا حب لا امل ليه
اي صوج البدر مني
خدعني وهم جنت مخدوع
صدكته وجنت صادك
ماعنده وفه ياناس
وبحر الغدر غارك
تركني وراح وية الغير
نطقها وكالي طالك
مامحتاج جرح اجديد
كفاية زحمة اجروحي
أذا مرة حييت الروح
الف مرة اكتلت روحي
بعد ميفيد ابجي اعليك
وعلى مودك يظل نوحي
جملّت الألم اهات
وضفت ملحك على اجروحي
تدري شكد جنت مهموم
اجيت وجملت اهي
هسه وحدي امطر هم
وانته ابدنيتك لاهي
الي الله يبن الناس
توسد فرحك بجاهي
اتركني شبه انسان
وعني روح متباهي
اشكيلك شنو يهمك
واحجيلك وعن ياهي
محبتي بالكلب ماتت
ادورها اشو ماهي
مشكور والف مشكور
جرحك هاذ كلفني
عذبت الكلب والروح
غدرك حيل تعبني
ماهمك صرت يفلان
وانته ابد متهمني
عذبني زماني شكد
ما محتاج تعذبني
ما محتاج تعذبني
:a (91)::a (91)::a (91)::a (91)::a (91)::a (91)::a (91)::a (91):
رد: ما محـــتـــــاااااج تعـــــــــــــــذبــنــــــــــــي
رد: ما محـــتـــــاااااج تعـــــــــــــــذبــنــــــــــــي
شكرا خيتو وتدللين يا ورده
رد: ما محـــتـــــاااااج تعـــــــــــــــذبــنــــــــــــي
رد: ما محـــتـــــاااااج تعـــــــــــــــذبــنــــــــــــي
شعر جميل
تسلمين ياوردة
بانتضار جديدج القادم
تحياتي
رد: ما محـــتـــــاااااج تعـــــــــــــــذبــنــــــــــــي
وانتي يمي دموع البعيني انتهت
وانتي يمي روحي مو عيني البجت
وربي عالجرح
ضيم ضيم
تسلمين ورده
رد: ما محـــتـــــاااااج تعـــــــــــــــذبــنــــــــــــي
الله
ابدعتي وردة
عاشت ايدج وننتضر ابداعاتج بشوق
تحياتي الج
