حملك يا وطن مايضل مايل
وابد ما تضل مذبوحة السنابل
اذا انت خليل اللة اشيضنون
برد او سلم متصير القنابل
صح انت وطن بس خلك ديوان
خلك كلبك يحلال المشاكل
اوصح حزنك بحر وجروحك انهار
بس مايحد صبرك الف ساحل
الكرة الارضية تفتر حكهة ودور
لان دوخهة صبرك يا مناضل
يرهابي بعد ازرع قنابل
او بعد اجمع سجاجين او معاول
او خل قنبلتك اطك او احرك الكون
واذبح بيدك الاف البلابل
طبع السنبل ابدا ما تطخ راس
تطخ راس او تدنكلة المناجل
الفرق ما بين قنبلتك والورود
الورد لو مات باقي او انت زائل
اني اجامل وياك بكلشي مقبول
وك بس اعلة الوطن لا ما اجامل
واذا تعتقد هذا الوطن مقتول
اسمحلي اكلك انت جاهل
لان برض العراق اندفن اشور
اوكل ذرة تراب اصبحت بابل
ولك كل ذرة تراب اصبحت بابل
