خيطت آخر جرح بيه واجيت
وگلت حتى وياك أنسى أحزاني
شو لگيتك انته ما تهوى اليجيك
وگبل لا تهوى ردت تنسانـــي
چان بلساني عتب رايد اگول
ومن لگيتك ضيعيته لساني
درب غيرك جدمي ما يعرف اكيد
ليش خطواتك نست گيعانـــي
آني ما ضنيت تتركــنـي وتروح
وچنت اضنك لو ضعت تلگاني
تدري من گد السهر والاشتياق
وگعن عيوني وغفن بحضاني
انته عندك گلب يهوى بلايه روح
ليش گلبك ما بعد يهوانـــي
الناس شتگلهم علي من يسألوك
تفكـــــــر بغيري وأگــلهم آنـــي
شال من عندي الفرح يوم المشت
وظيعت دربي وعفت عنوانــــي
