دمـــــــ،،،ــــوع وحــــــ،،،ــــزن

دموع وحزن

عراق لا تبجي علي صدك ما
ناسيك ولا راح ينساك الزمان
وصدك راح نرجعلك فديوم
وتتلاكفك الايدين والاحظان
ياعراقي..يانشمي وطنك
محتاجك.. دارو عليه الجيران
وشلون اتريدني انساك وانه عندي
ابكل حاره بيك ذكريات وعنوان
عراق وبسمك دوم نفتخر
ومن كرمه تتغنه بيه الاوطان
عراق اسمك..وعراقي سموني
ومن اسمي تهابني الجيران
عراق واسمك محفور بالكلب
ومانعوفك مثل الشجره والاغصان
اركب ياوطن خيلك والحكنه
مو ظحك علينه ابعالي الصوت الزمان
واشهر سيف علي الفقارللغزاة
سيفك بتار ويرهب كل انسان
نقش اسمك التاريخ ابكتابه
ورسم صورتك عنده رسم فنان
هديت ارموشك النه غطه
يتدفه بيه كلمن البردان
اتكالبو عليك يالعراقي
وستلوا من غمده السنان؟
وجرحوك ياوطن وخذوا خيرك
وعليهن صاروا كلهم ادمان
مشتاك آكل من تمرك الطيب
والكطه من جوه النخال العنان
ومشتاك اشم ريحت اترابك
واكل اطيب المن واحمر الرمان
اسالك ليش اولادك جواعه
وارضك متروسه نفط ومرجان
واريد اسالك يالغالي الى
متى اتظل مهيج بيه الاشجان
موكاعك الخضره انترست دمار
وسماك الزركه صارت كله دخان
وصار دجله ينزف دم ازرك
والفرات مجروح من كل مكان
فاركتك وانه ابجي ابدمع
احمر وبفركتك مانامت الاجفان
من اطلعت منك لاكاني الزمن
وكل هسه اصبحت كدامي عريان
ذكّرته بتاريخ وافضانه كلي
ماتعرف انو الزمن يشتهر بالنكران
يمته نرجع لك ونبوس
اترابك ونطفي ابماي الفرات النيران
اصبر يا وطن ولوطال صبرك
بس الدنيه مكضيه وكلمن عليه فان
اسد ويخافون من صوتك
ومن تزأر اعدائك يصيرون فيران
يبقى علمك عالي فوك
السرايات وماتوا على حدوده الشجعان
احبك حب الكواكب للشمس
ومن وره حبك صرنه انه والشمس عدوان
سلامي الك ياوطن الحضارات .

روووووووووووووووووعة
عاش ذوقك وردة على الطرح المميز
تحياتي الك
تقبل مروري البسيط

منورة ورده
تحياتي الج

كلماااات رائعه
عاشت ايدك
تحياتي الك