مـ,,,,ـن صـ,,,,ـدك سـ,,ـويتهـ,,ـة
من صدك سويتهة وعني غبت
ومن رحت ... مادرت وجهك وراك وباوعت
ولاكلت وي روحك انت بهجرتي
اليحبوني بكلبهم جرحت
حبي واحساسي وحبيبي
صفن جرحي وبيهن اني اتألمت
والليل كضيتة سهر
ودموعي دمهن نزلت
والكلب مكرود والله
اشما سألني...أكلة اسكت سافرت
ولاتكلي وين راحت
ماحجت وياي يوم الهاجرت
****** ******* *******
انة وياك البقينة
نحسب اجروح ونجملهن علينة
وانت وحدك
وانة وحدي
واثنينة بدنية حزينة
داوي جرحك ...وانة هم اوياك ادوي
بالكت السافر يحن كلبة علينة
ويذكر بالحظة وداعة
مارفع ايدة ولا سلم علينة
ولا رحم دمعاتي اني
ولارحم دمعات عينة
بكل قساوة كلب هاجر
وصدرت احكامة علينة
احنة من هجرة نموت
وهوة يترحم علينة
