غبت و خيول هجرك حاصرتني
الك عبرة شكبرها حاصرتني
بكبر طركاعتي الطاحت علية
نحيل الجسم من بعدك تراني
واريدك دوم بعيونك ترانـي
أفكر بيك كل ساعــة تراني
أفكر والبعد يصعـب عليــه
اصيح بصوتك و انت وياي ردرد احبك لا تروح بعيد ردرد اذا جتك رسالة شوك ردرد لان ردك يرد الروح الية ....
ليالي السود كثرن والتمني وحلمنه شوكت يخلص والتمني واحسن انه منك وانته مني
واحسنك خبط مخبوط بيه
هاك اخيوط روحي هاك ابرهه
ولو صاير بحرهه ها كبرهه
الك حسره بدليلي ها كبرهه
علي ثكلت مثل ثكلك عليه
مصايب عل الكلب لصبح والو
الهلبت ما نفعني بعد والو
احبابي بلا ذنب للغير ولو
طبعهم غدر ما بيهم حميه
هاك اخيوط روحي هاك ابرهه
ولو صاير بحرهه ها كبرهه
الك حسره بدليلي ها كبرهه
علي ثكلت مثل ثكلك عليه
حبيبي عليك كلي من تجنه
اليكلك نار جذب منته جنه
تعرف شيصير بيه من تجنه
كبل باب الكلب ياخذ تحيه
حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه
شمس لو نور وجناتك وجن بيك
ويظلمك من يوصف وجن بيك
اعذرة الهايم بشوكك وجن بيك
صفات البيك بس بالحور هية
انة شمجبل جبلتي تصير يدها
وجيت اخطب انة اليوم يدها
احبهة وهية بظهر يدها
وهي تحبني وابوية بظهر بية
اريد اعكد حبل ودك وحله واهب بالعشك كلبي وحله عشت سنتين بالبصره وحله ابد ماشفت مثل الناصريه
يبن ادم جم مرض زارك وعليت
ولا يوم غسلت كلبك وعليت
يا طير شما طرت انتة وعليت
تطيح وحفرتك مترين هية
خربنة يا وطن كلة بدينة
وصارت طائفية وكلمن بدينة
ليش ما نرجع من اول ما بدينة
نحل الصار ونشوف القضية
كلبي شتعتقد حبة هواية
اذا انتة النفس يعني هواية
احبك حيل تدريني هواية
بكثر حب الجرف لاطراف مية
اكلت المستوي بجفاك وني
اون وعبر ذاك الصوب وني
اصرح من هنا مشتاق وني
احبك لمن ما تدنه المنيه
هله يمضرب اشكر بسمراني
وشل جسمي جماله بس مراني
حجه ودري بكلامه بس مراني
يحاجي بروحه بس يقصد عليه
جوادك للعليهم عنه عنه
وجدامك لليودك دوم عنه
والمايسمع كلامك كوم عنه
بلطافه ولايرى منك اذيه
بعز نومي اجى طيفك وعاني
وانا لاجلك حبيبي اسهر واعاني
احبك لان انباري و عاني
ابن عمي وتظل غالي عليه
وحق رمضان وايامه وعيده
اكص لساني لو يخلف وعيده
اجدد دوم اضل حبك واعيده
اني بخير اذا انته اليه
هله يابعد ابوي وبعد يداي
وعليك هواي جرح الكلب يداي
احبك يوم ابوي بضهر يداي
بنساه امي وهواك العم عليه
صديق الفاظلك بالطيب فضلة
ومثل مافضلك على الناس فضلة
اشكرة مو جزات انكار فضلة
يجيلك وكت هم تحتاج فية
ماهمني مناح الظعن والمات
ولا همني العليل يطيب والمات
اهم بولام هاي شون ولمات
السند عرجة وظريرة تكود بية
اشكرك يلي انتة علينة دوم تنشد
جميل انتة وعليك بيوت تنشد
اذا عقدة حزن بالقلب تنشد
تحلها يابو النفس الابية
هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه
غياب اجفاك لرموشي لجهنا
عميت أوروح ماعادت لجنها
وحقك غالي او دمعي لجنها
ارخصت من يوم شح وصلك عليه
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
لهن بيه المصايب لهن شلهن
شعدهن ساكنات وياي شلهن
لحگني الوكت عالرجلين شلهن
مقعد والهموم تدير بية
زماني من زغر سني ولاني
واخبرك غير اطباعي ولوني
لا عود اليسليني ولا ناي
احبابي تبعت كلها علية
ما من عارفه ياناس ينسال
ودمع العين گبل البجي ينسال
شفنه البي مرض يا ناس ينسل
وانا مسلول ما من مرض بية
نخيت اهل الكنيسه عليك والدير
يهل تبــــعد عليه الوجه ودير
ترى الدنيا تجيهه ايام ودير
وتجيني بدمعتك وترد عليه
نشدت الناس عنك ونته ماكو
وعليه الهم يغالي مثله ماكو
اريد اسمع علومك شكو ماكو
وانا الممنون اذا تسأل عليه
دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه
شقى ماعندة كلش كد وطنة
كبر شيب واصبح كد وطنة
بوطنة انصب جادر كد وطنة
وقرينة الفاتحة ومتنة سوية
ثرم والله المصايب ثارمني
واذب كلبي على غيري ثارمني
ياهو اليجي ياخذ ثارمني
صرت للجاي والرايح ضحية
الضمي راح والطم عضمني
وعلى امصابي المصايب عضمني
الوكت يومية ياخذ عضمني
ويبدل اسنون يومية علية
يسيل العسل صدك مرطبنه@
اذا فديوم شخصك مرطبنه@
مره تصير عله ومرطبنه@
ومره تصير انته الصيدليه
*********************************
روحي من الصبر ملت وملهه@
لجيتك تنتضر ظلت وملهه@
الك مرقص بنص كلبي وملهه@
والك حاتات يتكلبن بيه
*******************************
تره انه المصايب دوخني@
ولجروحك يصاحب دوخني@
احترك كلبي بجفاكم دوخني@
ولا يطفه وتضل ناره سريه
*********************************
هاي الروح ماضن غيرك الهه@
وتراهي الهم يصاحب غيرك الهه@
صفات البيهه تدري غيرك الهه@
ولا عرفت غدر هاي الوفيه
***********************************
الملك والتاج مايلحك تفلتك
وأيدي ان كظتك لتضن تفلتك
ومن كد ماحلو حلوه تفلتك
انه أترجاك ضل اتفل عليه
افكر بيك يا صاحب ولانام
ولاغمض جفن عيني ولانام
احب بس اكعد كبالك ولانام
بعيد وشوفتك حسره عليه
علي طيفك بتالي الليل هدهد
يمن حبك سحرني بعظم هدهد
من الزمك لا تكلي النوب هدهد
وحك ربك احظنك للمنيه
الدنيا الف صـورة لاقط الهـة
و ابد ما صرت ثعلب لاقط الهة
انا اقلامي تركتهـة لاقط الهة
شـكتـب بعد ما يقـرون اليـة
جره دمعي على الوجنات ياحيف
وعله ناس الما تساوي التعب ياحيف
انا الجنت الخوف خفت ياحيف
لذت بالجانوا يلوذون بية
لغيرك مانبض كلبي ولا دك
وثكيل وياك ميزاني ولا دك
الكم بعد مارمش ولا ادك
اريد اوجووة تتكابل سوية
جرى دمعي على خدودي مراحل
وبعد حبك بدلالي مراحل
اذا ناوي الهجر ابدي مراحل
مو غفلة وتسد بابك علية
وحق سوره قريش احلف ولايلاف الكلب بهواك ما بدل ولا لاف احبك عشره والميه والالاف لان حبك مرض وانتشر بيه
محسود هذا المسج حتشوفة ويشوفك
لو بيدي اصبح مسج صدنكي ما اعوفك
يل شوفتك فك باب عد المساجين *** كبة ذهب وتلوح بين احجر الطين
ورردة أصبحت هالروح تذبل بدونك شتسوه الحياة بغير شوفة عيونك
ارد أسئل المجروح والجرحة ملتم
من مثلي بين الناس شايل جبل هم
مسودن صرت بجفاك وليمشي اسبه والقلب حيل يصيح يا ناس احبه
حبنا موغلطة انا صقر وانتي بطة
انا كتاب وانتي جنطة
اني قلب وانتي جلطة
علي طيفك بتوالي الليل هدهد***يامن حبك سحرني بعظم هدهد***ومن ألزمك لاتكلي ولك هدهد وحك ربك أعظك للمنيه
كضيت الدهر مافد يوم حنيت
واديه من دموع العين حنت
يافراس وداعتك هاليوم حنيت
وشلت نار الدمع باثنين اديه
اعزك لاتكلي اشكد واذا احسب يضيع العد واذا اسكت خلص صبري كلي اشلون يمعود
كل لحظه مو كل يوم لعيونك أشتاق خايف تظل بعيد ويكتلني الفراك
صاير ثكيل وياي ويم غيري تفرح هيج انته ويه الناس لوبيه تجرح
اوديلك قصايد شوك من حبك معانيها
اذا اني اموووووت عليك هيه الناس شعليها
رب السما علية شاهد حبي الك واحد ولغيرك ماني رادد ولطولك اني مناشد وعلى حبك محافظ وراكد
تتوقع يجي فديوم وانساك
بس اتمنه اموت ولا يجيني
اعرفك موالي بس اني اهواك
لان انته الوحيدالمالي عيني
طيبـه وحنينـه وحلوه سيده كل النسوه
حبها هديـه من الله فدوه لعمرها فدوه
حبيبتـــي
شكَد تحب تتدلع لتمل لتكل لاتشبع
تخليك خفـة دمها غصباً عنك تتولع
حبيبتي
ربك حط مرض بيك وشافــــــــاك وعيد من انطر عيونك وشافـــاك تدري من المس خدودك وشافاك مناعه من الامراض اتصير بيـــه
جم عثرة الوكت حطلي واعدلي
موتي هواي ياروحي واعدلي
بعد ساعة أحسبلي وعدلي
اموت انة اذا ماتسال علية
أشما أمشي وي اصحاب أذكرمحبتك أذكرني حتى أرتاح ذمه بركبتك
مقفول باب القلب سلمتك المفتاح ما ينفتح بس ألك لمن تجي وأرتاح
فزيت أنه من النوم
وبالحلم بستك
ريت الحلم سنتين
وأغفى على شفتك
للنار أطب وياك بس عندي مطلب
شفه على شفه نكون ومحاضن نطب
انتظرتك بفارغ الصبر واحر من الجمر واكثر من الارقام العشر
اهديلك كلبي خلي بالك عليه مولان هو كلبي لان انته بيه
زرعت الصبر بدم اريد الجرح يلتم اغمض عين وافتح عين انته بشوفتك احلم
أسمر وخاف عليك من مشية الكاع ***فوك الجمال لبيك عيونك وساع
مو100عمري يصير كون بعمر نوح صدك فلا انساك ياساكن الروح
حبك طيروبقلبي عشه شوفتك خيروغيبتك وحشه مارايدشي منك بس هيج حرشه
شديته ست شدات كلبي وعكدته فل روحه مدري شلون وختارك انته
أجمل باقة ورد أرسلها
من قلبي وأحطها بإيديك
تنشر العبير الفواح حوليك
وتقولك كل عام وإنت بخير
اهنيك اهنيك بحلول عيد الفطر اهنيك وراضيك وواسيك وكلبي اقدمة اللك عيدية بس يكون اراضيك
عيدك سعيد ومبارك او اسعد الله ليلك ونهارك او اسعدك ونطاك حب وفرح وخلا الحب والمرح دوم جارك
شخصك أحتل الفكر وأسمك سكن بروح
وأتمنةكلبي إلك ويةالرسالةيروح
خايف اكتبلك رسالة ومتلوك لحروفك وخايف اهديلك عيوني وبعدها ما اكدر اشوفك تحياتيي منـى الراوي
لو يوم مسك عطش وشحت عليك الكووس
من عيني امدلك نهر وجفوف اديه الطوس
من قلك انا في عيد او اني سعيد يوم اشوفك هو العيد وكل عام وانتة بعمر جديد.لسحورة
احبك يا ضوة عيوني على عناد اليلوموني @احبك وابد ما انساك لو ميت يشيلوني
تحس بيه وأحس بيك وأضل بالروح شاريك لودنياك ضاقت بيك تعال بكليبي اخليك
حبيبتي طاوس والوانها جذابة بل القلب هيا تعيش والرمش واهدابة اتحدى كل من شافها يسيطر على اعصابة *
بحبي الله يهديك
ويحقق كل أمانيك
ومن أنهار الجنة يسقيك
وبعيد الفطر نهنيك
الغيوي مو سركال الغيوي فلاح***وشلش من طكو محد وكف وصاح
صح اليغيب هواي يتسمه مفقود*** بس انته من تغيب بنص كلبي موجود
ارجو الرد ابو اماني
جرح وحزن وهموم والفركة ماتنراد *** كل هذا واني بعيد من حضنك يا بغداد
ابعد وصد ونسـاك وتخلّـه هيهات...ولوماشفتنـي ابيـوم كَـول الولـد مـات
غربه وقهر وفراكَ ومناحه وهموم *** انسه واصيرن عيـد لوشوفـك بيـوم
..ابو اماني تحياتي الك اتمنى تلبيلي طلب اريد دارميات على التعين لان تعقدت من التعين
كون انكلب جكليت وبحلكك العب *** واكتب على الشفتين هذا احلى ملعب
ما اريد امشي وياك والغدر طبعك****ماخايف من الموت خايف اتبعك
من عاشرت لليوم بس وحدي اسهر *** سمعوني يا هالناس عذبني الاسمر
صح شيبت يا ناس بس روحي خضره *** كل ذنب ماسويت عاشكلي سمره
كلما اريد انساك بسمك يصيحون*** يتحرك الدلال واتهل العيون
كبلك تره الاهات لفراشك اتروح***الشاعر من ينام يتوسد اجروح
ارد انشد العقال واهل العداله *** لو نشف ملح الزاد شنحط بداله
بلحلم جنك جيت من ذاك الغياب***كبل ايدي شفت الروح فتحتلك الباب
بعيوني دمعة ضيم لمن اهلهة*** تنخسف حتى الكاع من كد ثكلهة
من ابجي ابجي وياي يا روحي وانعي*** ولو حزني ما بجاج من يمي اطلعي
سل ومرض طاعون ولا عشك ساعه *** ومرض الجديد ارضاهه المابي مناعه
الماسنجر اتعناك وافتح ايميلك *** جم وحده بالايميل صارت خليلك
الماسنجر تعنيت ماسوه جاره *** ينطيني بس اكنور مامش عباره
صرت الخليل وياك صرت انا خلك *** وتحطلي سم بالزاد هم ما املك
راح احتمل فركاك بس عندي شرطين *** لو روحي تمشي وياك لو تاخذ العين
دوم انشد انه عليك يالفاركتني *** وين الحنين البيك ماجاوبتني
كل عقلك اني انساك و عشگلي ثاني *** انت الكلب و الروح يعني انت اني
(ملاحظه احبك )
احط الشفه علشفه وأعظك حيل بالساني *** وأخليلك اثر بيهن اخاف بيوم تنساني
**** **** **** **** ****
امفخخ صرت بهواك صرت انتحاري *** تفجيري بالريمونت وبيدك قراري
