تريد انساكـ گلي شلون انه انساك؟!

هم شفت النهر لحظه نسه جروفه

انت كتاب گلبي واضح من اقراك


*********************

بدموع اليالي انكتبت حروفه

ياشمعه درب تضوي على العشاگ

*********************

من بعيد نورك يشع وانشوفه

ياكلك حياتي وكلي انه وياك

*********************

خل حبك جرح للموت ماروفه

يل طبعك گمر واتسامر النجمات

*********************

لو عنهن غبت تتنطر طيوفه

ياحاتم كرم معروف صيتك دوم

*********************

ديوانك يرحب دومه بضيوفه

يافرحه امل لو تمر بين الناس

احس بغداد عدنه الليله مزفوفه

*********************

ياناي الحزن بيك انعزف موال

وكلماتك لحن مامنهه معزوفه


*********************

مو انت بحياتي صرت اليه الروح

وهاي الروح مثل الشمس مكشوفه


*********************

لو عني ارحلت اي حال امرن بيك

مثل حال اليتيم ودمعه بجفوفه


*********************

واگلك شوف وكتي شسوه بيه اليوم

بگليبي بقن طعنات لسيوفه

يسلمووووووووو
تحياتي

يدللو وردة
منورة
تحياتي الج