صدك عايش بيك لو حجيك جذب
لو هذني سوالفك طبعن عليك
تكلي ليش انه اجيك وما تجي
هو صح انته تجيني وما اجيك
انه ما اكدر أجي بليه كلب
هذه كلبي شوفه باقي بين اديك
يعني هسه انه أعيش بلا كلب
ونته كلبيـن اليعيشن هـسه بيك
هو مو بس انه رف كلبي إلك
تدري حتى أنت يرف كلبك عليك
روحي متعلمة عليك من الزغر
واهلك من زمان عندي مـأمنيك
غيرك انته كلبي انه مايريد
وكلبي بس انته بغرامه يشتهيك
أشتريك بعمري كله أشتريك
ونته ملكي وانــه منك مشـتريك
والله احبك ونته جنك ماتحس
مـتدري شماتي عـلي مقشمريك
شنهي كالولك عليه ما يحب
انته ماتكرهني همه مـــكرهيك
تذكر بيوم الجنت انته ابرد
اشتعلت ضلوعي جمر ودفي بيك
