مولعبة وعبالك ضغطة تنهي الداس
من تخلص لعبتي ادّوس عالتـــــــالي
شوف التالي هسة وشوف بيك شصار
تتوسل اسمعك حتة تقرالـــــــــــــــــي
وانة الخلصان گلبي وموفقط خلصان
من حوك السوالف حايـــــك إزوالي
تغلط .. تعتذر .... ملّيت هالمـــــــوال
كافي وخلّ اسمعك مرة مــــــــــوالي
شفتك تغرگ انتة ومارميت إحبـــــال
أدري اول متطلع تگطع إحبـــــــــالي
ماريدك بعد تحلم اسولف بيــــــــــك
وعلة امثالك چذب ما اضرب امثالي
واذا چنك خيالي وتبقة دوم ويـــــاي
ادفن نفسي بلكت ادفن إخيالــــــــــي
واذا آمالي انتة وابني بيك آمـــــــال
ازيد احباطي دمعة ويكتل آمـــــــالي
واصنع من جهنم سور حول البـــال
خاطر تحترگ لمن تجي إبّالـــــــــــي
مو مال احّد انتة وچنت مالي بيـــوم
بس ارجع واگلّك انتة مو مالــــــــي
خسرتك .. ؟ لا؟ صدگ ؟ لا وهسة شلوووون؟
يالله وخلي اخسرك واربحت حالـــي
چن زهرة شمس چنت آنة ادور اعليك
هسة اعقلهة شمسك تعبد إذيالــــي
واحد زائد انتة ومايساوي اثنيــــن
اذن بس آنة وحدي الناتج اجمالي
يمكن راح اسامح وانسة كل الراح
يمكن !!!! لا ميمكن شنسة ؟ چتالي؟
