على فراك الحبيب لا تسالون
كَـالوا هم تحبه وتسهر الليل
بذكره وللصبح متنام ليلك
وكَـالوا هم حزين انته عالفراكَـ
بس يجرن دموعك منهدم حيلك
وكَـالولي نشوفك اخرس بلا صوت
وتجاوبنه بحسرتك حسره رابيلك
وسألوني شجاني بيه شنهو الصار
وكَـالوا ليش حته الصمت يبجيلك
وليش بعز شبابك فاقد الخطوات
تعثر من تطيـــح الآه يشيــــلك
ياناس انتوا بيه . بيه ماتدرون
ولا ضنتي بحالي يفتهم انسان
مثل ناعور ادور وشايل الافراح
وللماي انطي فرحي وآخذ الاحزان
ومثل موكَـد جمر مايغفه بيه النار
وافز من لوعتي تحاوطني نيران
ومثل لحظة فرح من يمر عالمحزون
وبعد ما مكتمل ينحكم بالنسيان
ومثل مدمن جكَـاره يشرب الموت
ويذب اسنين عمره بزفرة الدخان
محد يكَـدر يرجع الورده من اطيح
ولا من تنكَـطع ترجع للأغصان
والاخرس بيش يوصف علة البي
وهمومه وجرح كَـلبه لكومه عميان
لذلك آني ساكت ما اجيب الناس
وشجاوبهم اذا مشلول بيه لسان
الهجر يا ناس جرحي وبيه منقوش
جرح ينزف حزن للغير مايبان
بس آني الاحس بجروحي متحسون
وبس آني بدموعي وحدي غركَـان
ضاع الحب وهاجر ما اظن يعود
وضاعت ايام عمري وحدي خسران
وعلى فراكَـ الحبيب لا تسألون
لأن باين جوابي الحيره والحرمان.
رد: على فراك الحبيب لا تسالون
روووووووووووووووووووووعة
عاش ذوقج وردة على الطرح المميز دائما
دمتي ودام لنا ابداعكِ وتميزكِ
تحياتي الج عيوني
تقبلي مروري البسيط
دمعة ألم
رد: على فراك الحبيب لا تسالون
تسلمين خيتي
هذا من ذوقج
ومشكوووره عالمرور.
رد: على فراك الحبيب لا تسالون
كلش حلوووة
عاشت ايدج ورردة
دوم الابداع
تحياتي
رد: على فراك الحبيب لا تسالون
رد: على فراك الحبيب لا تسالون
ذووووووووووووووق
عاشت ايدج كوكو
رد: على فراك الحبيب لا تسالون
روعة وربي
عاشت ذوقج
والله انتي مو طبيعية
ابيات جميلة
مشكورة وتحياتي الج
رد: على فراك الحبيب لا تسالون
رد: على فراك الحبيب لا تسالون
اقتباس:
المشاركة الأصلية كتبت بواسطة امبراطور البصرة
روعة وربي
عاشت ذوقج
والله انتي مو طبيعية
ابيات جميلة
مشكورة وتحياتي الج
والله طبيعيه .
ومشكووورين عالمرور شباب..
