شسولفلك عن حالتي
وانه الضيم سباني...
حسبالك مرتاح عايش
لا والله الموت اجاني...
اغمض بالعيون
بلكي اصحى بيوم ثاني..
وصحيت وفتحتهن
لكيت القهر عنواني..
دمي انته توزع بشرياني..
ما اجبرك تصدكني
بس فكر زين بالعندك كياني...
سم انه اضوكن بغيابك
وشكد لسؤالك ضليت امتاني..
وما سألت عني
والدمع بعيوني غركاني...
وعذرتك وخفت انه عليك
مدري انه تغيريت
مدري حبك جفاني..
شلون ما تسأل
والموت زقوم شرباني...
بفراش الموت اهذي
واسمك ما طاح من الساني...
عشت تاليهه لجلك
لان اسمك شفاني...
ما اريدن اموت بدونك
ولا اريدن اعيش وحبك نساني...
