مرحبا
من روائع اشعار الميالي
اني هذا الشاعر اموت عليه
تتصور عليك ازعل واسد باب القلب وارحل
تتصور تجيني بحب واكلك روح مااقبل
انت بكل ميانه مرخص على الروح
تجرحه وترد عليه تدلل
وانا معلم عليك وهاي ليه سنين
تطعني واطيح قبالك اتوسل
ضميتك جرح بل روح
ظل مجروح واتجنن اذا ينشل
لك هذا انت عزيز شلون ماتصير
وعذب حتى المرار البيك ماينمل
اعذرك وانا اعرفك انت غلطان
واغض عيني واكول القلب يتحمل
سجج صارن جروحي
وانت ريل اتدوس
واكول افيش لو منه جرح حمل
يافلاح قلبي اليشتل الطعنات
ومن شتالك باقي اتامل
يا رماي الحزم وسهامك موجدات
وبعز الظلام توجد وتندل
فدوه الهذا طولك يانبع ريحان
عليه بهل عذاب ارجوك لا تهجر
الله يلعنك يازعل
خليتني ازعل ويا
نسيتني شلون الغزل
من شفته ماكلت الله
لاكاني ماغازلته واتندمت من شفته
انا شعجب زعلته مو هو احلى من العسل
لاتسويه بعد وتعوفني
انا موت لك والله اموت من تعوفني
يمكن قبالك تعاندني الدموع
لكن النيران تحرق بل ضلوع
اه لو مره حبيبي تشوفني
لك ماتسويه بعد وتعوفني
انت لو شايف دمعتي
ينكسر قلبك عليه
من عفتني لهذا يومك
وانا مدري شصار بيه
تدري لو صار الغروب
احترق وحدي واذوب
عمري وحياتي
محد مبجيني
بس انت نزلت الدمع من عيني
ليش ترتاح بعذابي
وتفرح بلحظة غيابي
مااشوفك مرة اني
الا مهموم ارجع مخليني
نزلت دمعتي من ذكرت موضوعي
ليش اني جانت مو رخيصة دموعي
ومن عرفتك عادي عندي
تنزل دموعي على خدي
يعني وين تروح مني
تجيبك الدنيا عليه
وشوف ساعته شسوي
من تكون تصير انت الضحيه
اليوم اذا مجروح اني
باجر انت الي تعاني
وتعرف شسويت بيه
وتذكر شسويت بيه
وحتى اذا عيني بجت
قابل الدنيا انتهت
وياك انا حسابي طويل
وانت عايش وانا عايش
اصبرلي حتى تشوف ناري
من رحت عني ومشيت
فاركتني وانت تضحك
لاكن اني شكد بجيت
لو ربحت انت البدايه
انتضر شوف النهايه
كل جرح بثنين ارجعه
ودمعة وحده بالف دمعة
الوكت خلاك تتغير عليه
وانت القبل ميت جنت بيه
جنت اسمع احبك وي دقات قلبك
وايديك تذوب من لمسات ايديه
والله دنيا
جنا احنا كبل نتسمى عشاق
وجنا نذوب بس من طاري الفراق
وكبل قلبك عليه جان يشتاق
وهسه تغير ومايحس بيه
والله دنيا
جنا بروح وحدة اثنين
انا وياك مشتركين
خذك مني الزمان وغدر الاسنين
وعنادك وطبع الانانيه
شمسوي انا شمسوي بيك
تجرحني بيدك حرام عليك
تتركني ليش
تنساني ليش
ماكتلي بعدك شلون اعيش
ترضاه حبيب الروح
انا ابقى غريب
من دون البشر محروم
ماعندي حبيب
وينك محتاجك حيل
وينك تعبني الليل
وليلي يطول
يسالوني وينه
ومادري شكول
انت مشيت واني بقيت
ماتدري بعدك شكد بجيت
بعيوني الدمع والاه
تحرق بل ضلوع
لا ناري طفت
لايوم تخلص هل دموع
يجي وكت العتب واتعاتب وياك
واخليهن بديك ذنوبك وياي
انا الشلتك جمر
يحرق بل جفوف
واضل خايف عليك يلوحك الماي
اثر سهم المضى منك اداوي
واحضرلي مكان السهمك الجاي
اتلكى الحزن منك واهم بيك
ويا ملكى اليسرك مثل ملكاي
مثل صبير اموت من العطش موت
اشرب دمعتي وماخسرك الماي
وكل روحي صبر واتحمل جروح
اجرح لاتخاف اتحمل هواي
صبيره وصديقي العطش يفلان
حسبالك اذل من تكطع الماي
هينه شما شفت منك
اجازيك ارده اضعاف الك دكاتك وياي
شجره اني واكيد تردلي فد يوم
من ادكك شمس واتدور فياي
تاخذ يسرتي ساعته يفلان
كل زين الالك منطيته يمناي
اتحاسب وياك كل جرح باثنين
اعوف الراح الك
بس اخذ الجاي
دولي ثيابي من جمر نارك دولي
وما اضن ينفع دوه لي
عليه شبيك متكبر
دولي حبيبي انت شنو بالنسبه لي
