جنت أحـــــــتار كلي من أوصف بيــــــك
وانساهـــــــا القوافـــي وتنتــــهي أشعاري
وكبل من جنت أشوفك أنسه كل تعــــــبير
واحــــجي ابلا لسان وتذبل أشفافــــــــــي
وجنت دنياي كلها وامـــــرك اعله الراس
بس لمــــــن خبطتك جيت أشـــــربك ماي
راكـــــــد ماي شفتك وابد مـــــــو صافي
وكلت بيكم شعر ما كاله كبلــــــــي أنسان
غشيم انه أطلعت ما أفتـــــــــهم ناســـــي
وسفه أعلـــــــــه الزمن باكاني نص الليل
وانته تكلي (حـــــــارس) تسرق أحساسي
كلبك مــــــو الي مشغول ويه الــــــــــغير
وشنــــــــو ذنب الكلب مجروح يا قاســي
وصــــــــــفتك مره كعبه ومره نجمه بليل
وجـــــم مره كــلتلك انته أعـــــز ناســـــي
بس هـــــسه عـــــــــرفتك ما دوخــن بيك
ولا ناقــــوس جــذبك يــقرع أجــــــراسي
ولاجـــلمه (مــــلاك ) أجيب مدري أمنين
وتصفــــط علي وتــــــــزيد مأســــــــاتي
هــــوه الحــــــظ ردي ما يكــــــــعد وياك
ابيـــش اتريد أكـــعده بيا خــــلك صافـــي
خلني احـــــــرك أوراقي وما أفــــكر بيك
وخـــلني أنسه الشــــــعر وكتمهن أنفاسي
وروح وعــــوفني وعـــذرك فلا مقبـــول
أشـــور بيك والله وحــــــوبتي براســـــي.
