يا جيران كلبي شبيك وي جارك؟

لاموني اعله ضيمي .. المادروا بالضيم ..
واني لخاطرك .. ما انطي بسرارك
وحسدوني عليك ........ واني كلي اجروح ..
ومتحمل لعينك .. وجع بسمارك
لو بالخافي يدري اليعتب اعله الروح
چان ابعينه شاف .... ابگلبي آثارك
تحملتك جرح ..... والون ، أون بسكوت ..
وفوگ الجرح هسه اتطالب ابثارك !!؟
هاك الروح بيدك .. وانت حر شتريد ..
سوي اللي تحسه .. اذايطفي الك نارك
معذور اني اعذرك .. لأن گلبي وياك ..
خطوة .. بخطوة يمشي ويعرف اخبارك
خطار آنه روحي .. واجت يمك ضيف ..
ماظن شيمتك تغدر بخطارك !!
تعرفني انت زين .. وأكثر من الناس ..
احط روحي سعف .. بس احمي جمارك
سوي اللي تريده .. اشضل بعد بالروح ؟
مو روحي رهينه وباقية بدارك
تزعلني ، واحبك ، وانتشي بطرواك
وروحي اتذوب لهفه .. امنسمع اشعارك
يا كلشي انت عندي وكلشي انت وياي
عاين على جروحي ويكفي اعذارك
مو تدري الوصية اتلوح .. سابع جار ...؟؟
يا جيران گلبي شبيك وي جارك ..؟؟

عاشت الايادي
كلمات روعه
نتضر كلشي منج حلو
تحياتي

يدللو منور
تحياتي الك

كلش حلوة
تسلمين ورد
عاشت ايدج
تحياتي

دومج مبدعة
عاشت الايادي

يسلموووو وردايهـ
تحياتي

يدللو منورين
تحياتي الكم

يسلمو ورده
دوم الابداع
عاشت ايدج

اضيف بيت دارمي من تأليفي
شنو انتي من البشر ما عرفتج
عسل مدري جكليت طعم شفتج