تكضي وماكضــــت ..

تكضي وماكضت جبــناها صـــار سنين
وتحدينة الزمـــان وعلـــى النار اندوس
نغفة على المصايـــب والحزن والضــيم
وكل ليلة بصدرنة يعشــش الكابـــوس
فقرة احنة ولاكــن مانطـخ الـــراس
مـن اخــلاق اهلــنة تعــلمينة دروس
مابعنة الشـرف من جــتفـانة العـــوز
ولابعــنة الضمــير وبالاديــن نـبوس
كصــتنة تفيض ونخـجل من الــــناس
بعدهـا الغــيرة بينا وعدنة ضــل ناموس
لتكـلي الثـــقــافة بمضهر الانــسان
بخلاقة يبين مـوشــرط ملــــــبوس
صـغنة اخلاقــنة حــب بظـهر تـمـوز
اكل ضهرة السـموم وترس حلك الطــوس
الجـمع ماله بشــرف عيـشة كرامة يعيش
والماله شـــرف ثــق ماتنفــعة فـلوس
اكو شـبعان بطـــنة وجيـبة فارغ حيل
واكو جوعان لاكــن جيبة ضـل متروس
جبــناها ركــض والدنـية فوت وموت
وماذلـينة يـــوم ودنـــكـينة الروس
مــثل طـــبع الشجر مادنك مـن الظيم
رغم ياكل بخــصره شكــثر حلك الفوس
موكلـها ســـوه هــيه الرجال اشكال
بــيهم داس كــلفة وبيـهم المديوس
قويــة حبالــنة وماجـرها جف العوز
بعدها حبـال خشنة ويعـــمة بيها الموس
غم هذا الزمـان الحـــجت بــي خرسان
الخله الغاكة تحجي والصـــكر مخلـــوس

عاشت ايدك وردة ابدعت
ننتضر جديدك دوما
تحياتي الك