صرت ناعور لاجلك انت يا بذات

صرت ناعور لاجلك انت يا بذات
افر روحي على روحك انا وارويها
بايعني برخص وك والله اشور بيك
وبروحي انا روحك صدك اشريها
تجرحني واكابر وما اكول احاه...
واشد جروحي وحدي وبيدي اشليها
اخافن لو كلت تلجمني الجروح
وتزعل مني انته شلون ترضيها
عادوني جثير وكلت انت وياي
طلع سجين غيري انت التحد بيها
حبيتك واجاهر للبشر بالصار
وانت ابسط حقوقي اليوم تخفيها
لذلك جاي اكلك بالله ارجوك
نتفارك بعد والعشرة ننهيها

عاشت ايدج خاطرة جميلة تسلمين عيونيتقبلي مروري البسيط تحيااتي الج

يدللو وردة بس هاي مو خاطرة
هاي قصيدة شعبية
تحياتي الج

عاشت ايدج حبي على القصيدة الرائعة
تحياتي الج وردة

يدللو وردة
منورة
تحياتي الج