شيعوضني الدمع وانه الخسرته هواي

شيعوضني الدمع وانه الخسرته هواي
وعلى رملة امل كل عمري وشلته
وانه الباكو نهاري ورحت ادوره بليل
والمسودن طبع ميعوف سالفته
على نفس الدرب ذبولي بس الصوف
حته ارجع واكول ذياب ماكلته
وانه الماصبر والعطش ماوازاه
دنت نفسه وذبح بالصحره راحلته
كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليه
مو خالي كرم بس انه مللته
بعد ماهد سهم كون الطريده بعيد
مابيهه فخر لو كول وصلته
وشفت عصفور ميت كل جرح مابيه
حرت هذه المنيه شلون واصلته
شلت راسي وشفت بالشجره عش محروك
كلت هذه السبب والحركه كاتلته
ونفس موته متت والجسد لحد الروح
وحسرات الجفن وبدمعي غسلته
وسحب سيفه الزمن هل من منازل صاح
اعزل ماخفت والزمن نازلته
مالحته ابد لاكن ترسني جروح
بس عندي المهم ماعفته قاتلته
دبسك ياضمير الصار بيه هواي
بسك هالعمر مايوم جاملته
حذر بسوالفي نكلة جدم صياد
وسال خاطرك مايوم جفلته
كصبه عللجرف يدفعها روج الضيم
ويحنيني الهوى بس طبعي عدلته

للشاعر سمير صبيح

كلش حلووة
تسلمين وردة عاشت ايدج
تحياتي

يدللو وردة منورة
تحياتي الج

عاشت ايدج ياوردة
دوم الابداع والتميز
تحياتي

كووولشش كوووولشش حلووووووة

عاااشت الايااادي ورده رووووعه

عاشت ايدج ورد
دومج مبدعه
تحياتي

ذوقكم العايش
منورين
تحياتي الكم