غصبا على الكل تصفى صباح الهلالي

ممنوع همس الشفَه
ممنوع بالحب رجفه
وذبلة خدود الترفه
ابغداد ممنوع العشك.
نسكت كلبنه يحترك؟
ممنوع ان نحجي الصدك
كدامي اخرس ماحجه اشر وكصوا جفه
ممنوع الياشر ...صدك؟؟؟؟؟
وزعو موت اعله الخلك
خفنه ورجعنه ليوره
وجبرونه ان نلزم سره
الكدام يسال بالوره
شنهي الحصل ؟؟شنهي الجره؟؟
ثاري مثل موت النخل واحدنه ميت وكفه
وهم كلنه باجر تصفه؟؟؟؟
عالغصن حيه مزيفه
العصفور طير شعرفه
سد عشه للنخله صعد
كضته سنون السعفه؟؟؟
وقرروا في جذع النخل ممنوع ترجف سعفه
وممنوع تنبت سعفه
ولو وحده رجفت من غضب او صدفه ولادنه سبب
يكصون راس الصدفه؟؟
بكل ذره من جسمي تعب
بكل غرفه من بيتي حرب
ينكلون اخوتي بهالحطب؟؟؟؟
ويدعون بسلا تطفه
وهم كلت باجر تصفه
انعيش في نفس القفص
بس اني وامي وجدي
القفص يسوه مملكه
وامي احسهه الملكه
وجدي امتداد الكل ملك
بس احس روحي مجدي؟؟؟؟؟شهبندر وماعندي
الكلب ....ابن كلب النفط؟؟؟كلهم كلبهم ضدي
امي وابوي وجدي
وهم كلت باجر تصفه
القفص جان بغرفه
بعت القفص والغرفه ومابعت امي وجدي
الرايح ايكل للراجع
قنبله براس الشارع
والناس كلهه تباوع
من طكت بعيني شفت
مكطوع راس الشارع
ومحد يوكف نزفه
وانسه القفص وانسه السجن
وينزف على خدودي وطن
من اسمع غنه داخل حسن
واتمنه بيدي الدفه
وانكسر مثل الكزاز
من احلم بقنينه غاز؟؟؟؟
اتشضه مثل الكزاز
من احلم بروحي سفير
وعمري ماشايف جواز؟؟
ومرعوب افز من الحلم
من خوفي بطلت اغفه
وحبيت لاكن حاير...بنيه بشكل ماصاير
بس بيتهم عالساتر؟؟؟
والغام.....بيني وبينهه
لاكن من اذكر عينهه
والحصل بيني وبينهه؟؟؟؟؟؟؟؟؟؟
تابوت احط للزفه
وترجع بديه الدفه
وشفه احط عالشفه
وترجع خدود الترفه
ومسموح همس الشفه
ومسموح بالحب رجفه
وكل الي كلته الكم....جذب ؟؟؟
شاعر مسودن من احب
ابغداد مسموح العشك
ابغداد ....بس احنه الصدك
وغصبا عللى الكل تصفه
غصبا على الكل تصفه

نس نس

أنمـــي تون نهــر من الإبــدآأإع يستقـــي منه الجميــــع
وعلـــى ضفـــآأإفـــه
يسكــن المميـــزووون



من هــم نجـــوم
من هــــــــــــــــــم مثلــك
فأنت الإبـــدآأإع والتميــز ذآأإته
كلمــآأإتـــك
وحروووووفــك
وعبــآأإرآأإأآتــــك
نسجــت برووووووعـــة ليـــس لهــآأإ مثيـــــــــــل
بإحســآأإســـك الرآأإقـــــي حكت لنـــآأإ من الجمــآأإل
الشـــيء الكثيــــــــــــــــر

تحياتي
ليــــــثُ

لي الشرف الكبير عندما ارى
حروفك وهي تعانق حروفي المتواضعه
شكرا جزيلا سيدي الفاضل على روعة
مرورك الجميل
اسعدني حضورك غاية السعاده
شكرا لك مره ثانيه من اعماق اعماقي
دمت بحفظ الله

تحياتي
nosnos

موضوع في قمة الابداع
دومج مبدعة و مميزة باسلوبك وطرحك للمواضيع
لاتحرمينه من جديدج
تحياتي الج قلبي
ودية

عاشت الايادي ياوردة
دومج مبدعه بما تقديمن
تحياتي

منورين وهاي بس من ذوقكم
تحياتي الكم