من تراب مثلي نعم صباح الهلالي

صبــاح الهــلالــي




من تراب مثلي نعم
بس للجمال اسباب
رب الجمال اعتقد
سواك في محراب
بباب جنة عدن
تين و نخل و اعناب
بقالبك خله عسل
و شوية ذبلة تراب

بسواد العين يسمر منته رابي
شعجب قلبك تغير من ترى بيه
انه ما ظن ترابك من ترابي
حضنتك و العسل جلب بدية

من طين مثلي نعم
بس عود جنك طين
ذرات منك بقن
لمهن و سوة العين
عشرة بالمية نده
و يمكن ورد عشرين
و مد روحه نهر الخمر
كملك السبعين

سلالتكم نسب يوسف نسبها
الدنيه بغير نظراتك نسبها
الوادم مية بالمية نسبها
بس نسبة جمالك سبعمية

و سبحانه ما مقتنع
بالميه من مية
حط على روحك وفة
و عل قلب حنية
و انطاك واهس طفل
و خدود جورية
بس عافك بلا بخت
و تورطت بيه

و لولة البيك جي ما بيك لولة
و ملاك من السمه البالمهد لولة
بجمالك ما تجاوز بشر لولا
الخمر و يه العسل طبكن سوية

كلمات جميله جدا
عاشت ايدج ياوردة
ننتضر جديدج المميز
تحياتي

يدللو وردة منور
تحياتي الك

بسواد العين يسمر منته رابي
شعجب قلبك تغير من ترى بيه
انه ما ظن ترابك من ترابي
حضنتك و العسل جلب بدية

ذوووووووووووووق
عاشت ايدج ورده
قصيده روعه

منور وردة هاي بس من ذوقك
تحياتي الك